كەزدەسۋ بارىسىندا جۋرناليستەردىڭ الەۋمەتتىك ماسەلەلەرىن شەشۋ جولدارى تالقىلاندى. اتاپ ايتقاندا, الەۋمەتتىك جاعىنان از قامتىلعان جۋرناليستەردىڭ باسپانامەن قامتىلۋىنا سەپتەسۋ جولدارى قارالدى. اكىمدىك پەن كاسىپوداق وسى باعىتتا بىرلەسىپ جۇمىس ىستەيتىن بولىپ كەلىستى. سونىمەن قاتار, كاسىپوداق توراعاسى ز. الىپبەك ەلوردادا جۋرناليستەر ءۇيىن اشۋ جايىن كوتەردى.
"قازىر جۋرناليستەردىڭ باس قوسىپ, وزدەرىنىڭ ماسەلەلەرى مەن ۇسىنىستارىن, يدەيالارىن تالقىلايتىن ارنايى جەكە ورنى جوق. مۇنداي ورتالىق قالام ۇستاعان قاۋىمنىڭ ىنتىماعىن ارتتىرا تۇسەر ەدى", دەدى زەيىن الىپبەك.
بۇل ۇسىنىستى قولداعان قالا اكىمى قالادان ورىنجاي قاراستىراتىنىن ايتتى. كاسىپوداق باسشىسى تاراپىنان جاسالعان اتالعان ۇيىم مۇشەلەرىنىڭ قالاداعى سپورتتىق نىساندار قىزمەتىن تەگىن پايدالانۋىنا جاعداي جاساۋ تۋرالى ۇسىنىس تا اكىم تاراپىنان قولداۋ تاپتى. كەزدەسۋدىڭ ناتيجەلى بولعانىن ايتقان كاسىپوداق توراعاسى زەيىن الىپبەك قالا اكىمىنە قولداۋى ءۇشىن العىسىن جەتكىزدى.
