ۆەدومستۆونىڭ مالىمەتىنشە, بيۋدجەت قاراجاتىنىڭ ماقساتتى جانە ءتيىمدى پايدالانىلۋىن باقىلاۋ شەڭبەرىندە دەپارتامەنت قىزمەتكەرلەرى "بىرىڭعاي ساتىپ الۋ تەرەزەسى" اقپاراتتىق-تالداۋ جۇيەسى ارقىلى مەملەكەتتىك ساتىپ الۋعا مونيتورينگ جۇرگىزدى.
تالداۋ بارىسىندا ساتىپ الۋ باعاسىنىڭ مەدياندىق باعادان اسىپ كەتۋ فاكتىلەرى انىقتالدى, ولار بويىنشا تاپسىرىس بەرۋشىلەردىڭ اتىنا مەملەكەتتىك ورگاندار مەن كۆازيمەملەكەتتىك سەكتور جوسپارلاعان تاۋارلارعا, جۇمىستار مەن قىزمەتتەرگە وڭتايلى باعالاردى قايتا قاراۋ جانە بەلگىلەۋ ۇسىنىستارىمەن ءتيىستى حاتتار جولداندى.
"ستەپنوگور قالاسىنىڭ تۇرعىن ءۇي-كوممۋنالدىق شارۋاشىلىق, جولاۋشىلار كولىگى, اۆتوموبيل جولدارى جانە تۇرعىن ءۇي ينسپەكتسياسى ءبولىمىنىڭ جانىنداعى "ستەپنوگورسك-ۆودوكانال" كاسىپورنى سۋمەن جابدىقتاۋ ءۇشىن پوليەتيلەن قۇبىرىنىڭ قۇنىن تومەندەتۋ جولىمەن 5 502 336 تەڭگە ۇنەمدەدى. ونى ساتىپ الۋ باستاپقىدا جالپى سوماسى 28 800 000 تەڭگەدەن نەمەسە ءبىر داناسى ءۇشىن 30 000 تەڭگەدەن جوسپارلانعان بولاتىن دەپ حابارلادى دەپارتامەنتتىڭ ءباسپاسوز قىزمەتى.
سونىمەن بىرگە, "كوكشەتاۋ" مەملەكەتتىك ۇلتتىق تابيعي پاركى ۆەلوسيپەدتى جالپى سوماسى 1 936 407 تەڭگەگە نەمەسە بىرەۋىن 387 281 تەڭگەدەن ساتىپ الۋدى جوسپارلاعان. ال ۆەلوسيپەدتىڭ ورتاشا نارىقتىق باعاسى - 107 000 تەڭگە.
"دەپارتامەنت قىزمەتكەرلەرىنىڭ ۇسىنىستارىنان كەيىن ۇيىم مەملەكەتتىك ساتىپ الۋ باعاسىن تومەندەتتى. تاۋاردى ساتىپ الۋعا جوسپارلانعان شىعىننىڭ ۇنەمدەلۋى شامامەن 972 120 تەڭگەنى قۇرادى. مونيتورينگتىڭ ارقاسىندا مەكەمە ۇنەمدەلگەن بيۋدجەت قاراجاتىنا قوسىمشا ۆەلوسيپەد ساتىپ الۋدى جوسپارلاپ وتىر", دەيدى ۆەدومستۆونىڭ ءباسپاسوز حاتشىسى دينارا نۇرتاز.
