"باسپا, راديو, ينتەرنەت-جۋرناليستيكا سالاسىنداعى ۇزدىكتەردىڭ انىقتايتىن دودانىڭ ماراپاتتاۋ ءراسىمى ونلاين رەجيمىندە 13 قاراشاعا جوسپارلانعان. بايقاۋ تالابىنا سايكەس, جۇمىستار باسىلىمدا, ينتەرنەت رەسۋرستا جاريالانۋى نەمەسە راديوەفيردە شىعۋى ءتيىس. جەڭىمپازداردى وتاندىق جانە شەتەلدىك جۋرناليستەر انىقتايتىن بولادى", دەلىنگەن حابارلامادا.
ايتا كەتەرلىگى, بيىل ءداستۇرلى 10 اتالىمنىڭ قاتارىنا "شەرحان مۇرتازا اتىنداعى نوميناتسيا" قوسىلدى.
"شەرحان مۇرتازا اعامىزدىڭ نوميناتسياسىندا پۋبليتسيستيكالىق ماتەريالدار تاڭدالادى. ول قازاقتىڭ ەلىن, اۋىلىن جاقسى كوركەم تىلمەن وقىرمانعا جەتكىزەتىندەي ماقالالار بولسا دەگەن ءۇمىت ارتامىز", دەدى قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ.
ەسكە سالا كەتسەك, "ۇركەر-2020" ۇلتتىق سىيلىعىنا ءوتىنىم قابىلداۋ 2 قازاندا باستالدى. بيىلعى وزگەرىستەرگە بايلانىستى "ۇركەر" سىيلىعى كۇزدە وتكىزىلەدى. ءوتىنىم 2 قاراشاعا دەيىن قابىلدانادى.
