وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 16 قازان كۇنى ساعات 23:40 شاماسىندا كەزەكشى بولىمگە قوستاناي كوشەسىندەگى تۇرعىن ءۇيدىڭ جانىپ جاتقانى تۋرالى حابارلاما كەلىپ ءتۇستى.
ء"ۇيدىڭ كىرەبەرىسى, ءدالىزى, ەكى بولمەسى, جيھازدار مەن ەلەكتر تەحنيكاسى جانىپ كەتتى. توبە جابىنىن قوسا ەسەپتەگەندە جالپى اۋدانى 100 شارشى مەتر اۋماق ورتەندى. ءورت 02 ساعات 07 مينۋتتا ءسوندىرىلدى. سوندىرۋگە ەكى ءورت ءسوندىرۋ تەحنيكاسى مەن جەكە قۇرامنىڭ 9 ادامى جۇمىلدىرىلدى. قازا بولعاندار مەن زارداپ شەككەندەر جوق", دەلىنگەن ۆەدومستۆو حابارلاماسىندا.
قازىر تجد ماماندارى ءورتتىڭ شىعۋ سەبەبىن انىقتاپ جاتىر. وقيعا ورنىندا سىناق زەرتحاناسىنىڭ قىزمەتكەرلەرى جۇمىس ىستەۋدە. تجد وبلىس تۇرعىندارىن ءورت قاۋىپسىزدىگى ەرەجەلەرىن قاتاڭ ساقتاۋعا شاقىرادى.
