بۇل 17 جىلدىق موراتوري جويىلعاننان كەيىن اقش-تاعى توعىزىنشى ءولىم جازاسى. بۇل جولى وعان ليزا مونتگومەري كەسىلدى. ول جۇكتى ايەلدى قاتىگەز ولتىرگەنى جانە بالاسىن قۇرساعىنان ۇرلاعانى ءۇشىن كىنالى دەپ تانىلدى.
مونتگومەريدىڭ قورعاۋشىلارى ونىڭ جالعان جۇكتىلىكتەن زارداپ شەگەتىنىن ايتقان - بۇل قاتتى جۇكتى بولعىسى كەلەتىن ايەلدەردە پايدا بولاتىن اۋىر پسيحيكالىق اۋرۋ. سونىمەن قاتار, ادۆوكاتتاردىڭ ايتۋىنشا, ايىپتالۋشى بالا كەزىندە زورلانعان, بۇل دا ونىڭ پسيحيكاسىنا اسەر ەتكەن. ال ءوز كەزەگىندە ايىپتاۋشىلار ايەلدىڭ قىلمىستى جوسپارلاعانى جانە كەيىن ىزدەرىن جاسىرماق بولعانى, ونىڭ ساۋ ەكەنىن كورسەتەتىنىن ايتقان.
دەگەنمەن, ول كىنالى دەپ تانىلدى. ەڭ جوعارى ۇكىم 2007 جىلدىڭ قازانىندا ميسسۋري شتاتىنىڭ باتىس وكرۋگىنىڭ اۋداندىق سوتىندا شىعارىلدى.
ءولىم جازاسى 2020 جىلدىڭ 8 جەلتوقسانىندا ينديانا شتاتىندا ينەكتسيا ارقىلى جۇزەگە اسىرىلادى.
