بۇگىنگى كۇنى وبلىس تۇرعىندارى اراسىندا وزەكتى قىزمەتتەردىڭ ءبىرى بالالاردى تۇرعىلىقتى جەرىنە بايلانىستى تىركەۋ بولىپ تابىلادى. اتالعان قىزمەتتى قالاي الۋعا بولاتىنى تۋرالى دەپارتامەنتتىڭ مەملەكەتتىك قىزمەتتەردى كورسەتۋ باسقارماسىنىڭ باس مامانى قانات ايتىموۆ تولىق اقپارات بەردى.
ونىڭ ايتۋىنشا, ەڭ الدىمەن بالانىڭ اكە-شەشەسىنىڭ ءبىرى ەلەكتروندىق-تسيفرلىق قولتاڭبا نەمەسە ءبىر رەتتىك سمس-قۇپيا ءسوز ارقىلى Egov.kz پورتالىندا اۆتوريزاتسيادان ءوتۋى كەرەك.
ءارى قاراي باستى بەتتە "ازاماتتىق, ميگراتسيا جانە يمميگراتسيا" قىزمەتىن تاڭداۋ قاجەت. بۇل جەردە قىزمەت الۋشى "حالىقتى تىركەۋ جانە تىركەۋ ەسەبىنەن الىپ تاستاۋ" بولىمىنە ءوتۋى قاجەت.
بۇدان ءارى ءتۇرلى قىزمەت تۇرلەرى ۇسىنىلادى, ال ولاردىڭ ىشىنەن "16 جاسقا دەيىنگى بالالاردى تۇرعىلىقتى جەرى بويىنشا تىركەۋ" قىزمەتى تاڭدالىنادى. ودان كەيىن "ونلاين سۇراۋ" قىزمەتىن تاڭداپ, ءوتىنىشتى تولتىرىپ, وعان ەلەكتروندىق-تسيفرلىق قولداڭبانىڭ كومەگىمەن نەمەسە سمس-قۇپيا ءسوز ارقىلى قول قويۋ كەرەك.
"بۇل رەتتە, سمس-قۇپيا ءسوز ارقىلى وتىنىمگە قول قويۋ ءۇشىن ءموبيلدى ازاماتتار بازاسىندا تىركەۋدىڭ بولۋ قاجەتتىگىن ەسكەرۋ كەرەك. ەگەر سىزدە مۇنداي تىركەۋ بولماسا, سىزگە وپەراتورعا بەينەبايلانىس ارقىلى حابارلاسۋ قىزمەتى ۇسىنىلادى, ياعني وپەراتور ونلاين رەجىمدە تىركەۋدەن وتۋگە كومەكتەسەدى", دەپ مالىمدەدى ق.ايتىموۆ.
سوڭىندا جەكە كابينەتتە ءوتىنىمنىڭ قارالۋى تۋرالى حابارلامامەن تانىسۋعا بولادى. سونىمەن قاتار ماماننىڭ ايتۋى بويىنشا, ەگەر قىزمەت الۋشى تۇرعىن ءۇيدىڭ مەنشىك يەسى بولىپ تابىلماعان جاعدايدا, بالانى تۇرعىلىقتى جەرى بويىنشا تىركەۋ ءۇشىن تۇرعىن ءۇي يەسىنەن ەتسق-مەن راستالعان كەلىسىمدى الۋ قاجەت. سونىمەن قاتار, ەگەر بىرنەشە تۇرعىن ءۇي يەلەرى بولسا, ولاردىڭ ارقايسىسىنىڭ كەلىسىمىن الۋ قاجەت.
