بۇۇ دامۋ باعدارلاماسىنىڭ تۇراقتى وكىلى ياكۋپ بەريش قر سىرتقى ىستەر ءمينيسترىنىڭ ورىنباسارى ەرجان اشىقباەۆپەن كەزدەستى. كەزدەسۋ بارىسىندا تاراپتار جاقىندا قابىلدانعان 2021-2025 جىلدارعا ارنالعان ەلدىك باعدارلاما شەڭبەرىندەگى ىنتىماقتاستىقتىڭ باسىم باعىتتارىن جانە ونى قازاقستان ۇكىمەتى مەن بۇۇدب اراسىنداعى دامىتۋ سالاسىنداعى كوپجىلدىق ىنتىماقتاستىق اياسىندا بىرلەسكەن باستامالار ارقىلى جۇزەگە اسىرۋدى تالقىلادى.
"بۇۇدب قازاقستان ۇكىمەتىمەن قول جەتكىزىلگەن ىنتىماقتاستىق دەڭگەيىن جوعارى باعالايدى. ىسكە اسىرىلعان باستامالار مەن قالىپتاسقان سەرىكتەستىكتەردىڭ جەتىستىكتەرىنە سۇيەنە وتىرىپ, ءبىز قازاقستانعا ەلدىڭ دامۋىن جەدەلدەتەتىن جانە قوعامعا پايدا اكەلەتىن تۇراقتى دامۋ ماقساتتارىن (تدم) جۇزەگە اسىرۋعا قولداۋ كورسەتۋدى كوزدەپ وتىرمىز", دەدى ياكۋپ بەريش, بۇۇ دامۋ باعدارلاماسىنىڭ قازاقستانداعى تۇراقتى وكىلى.
Cىرتقى ىستەر ءمينيسترىنىڭ ورىنباسارى ەرجان اشىقباەۆ بۇۇ دامۋ باعدارلاماسىن 2021-2025 جىلدارعا ارنالعان ەلدىك باعدارلامانىڭ كەلىسۋ جانە ماقۇلداۋ ۇدەرىسىنىڭ ءساتتى اياقتالۋىمەن قۇتتىقتادى جانە باعدارلامانىڭ ەلدىڭ باستى دامۋ باعىتتارىنا سايكەس كەلەتىندىگىن اتاپ ءوتتى.
تدم-ىن باسشىلىققا الا وتىرىپ, بۇۇدب قازاقستانعا ەكونوميكانى ءارتاراپتاندىرۋ, ينستيتۋتتاردى جاڭارتۋ, تەڭسىزدىكتى ازايتۋ جانە تابيعي رەسۋرستاردى تۇراقتى باسقارۋ ارقىلى ءوسۋ تراەكتورياسىن ساقتاۋعا قولداۋ كورسەتەدى. ءتورت ينتەگراتسيالانعان باعىتقا نەگىزدەلگەن - ادام كاپيتالى, ءتيىمدى ينستيتۋتتار مەن ساپالى قىزمەتتەر, جاسىل ەكونوميكا جانە كەشەندى جەرگىلىكتى دامۋ - جاڭا ىنتىماقتاستىق ستراتەگياسى حالىقتىڭ وسال توپتارىنا نازار اۋدارا وتىرىپ, قازاقستاننىڭ دامۋىنداعى ترانسفورماتسيالىق وزگەرىستەرگە قول جەتكىزۋگە باعىتتالعان.
كەزدەسۋدە تاراپتار بۇۇدب-نىڭ قازاقستانداعى كوروناۆيرۋستىق پاندەميانىڭ سالدارىن جەڭىلدەتۋ بويىنشا جەدەل قولداۋ شارالارىن, ونىڭ ىشىندە 2025 جىلعا دەيىنگى ۇلتتىق دامۋ ستراتەگياسىن قايتا قاراۋ ءۇشىن ساراپتامالىق قولداۋدى, COVID-19 پاندەمياسىنىڭ الەۋمەتتىك-ەكونوميكالىق اسەرىن باعالاۋدى, وسال جاستارعا ارنالعان تولەنەتىن تاعىلىمداما باعدارلاماسى مەن مەملەكەتتىك قىزمەتشىلەرىنىڭ تسيفرلىق داعدىلارىن جاقسارتۋ جولدارىن تالقىلادى.
بۇۇدب-سى قازاقستانعا ىقتيمال داعدارىستارعا توزىمدىلىكتى قالىپتاستىرۋعا كومەكتەسەتىن, سونداي-اق بارلىق مۇددەلى تاراپتار مەن وسال توپتاردى ەسكەرەتىن جاڭا ەلدىك باعدارلاما شەڭبەرىندە مەملەكەتتى قالپىنا كەلتىرۋ ستراتەگياسىنا قولداۋدى كۇشەيتەدى.
