بۇل ۋنيۆەرسيتەت پەن نۇرسۇلتان نازارباەۆ ورتالىعى قول قويعان ىنتىماقتاستىق تۋرالى مەموراندۋمنىڭ ارقاسىندا مۇمكىن بولماق. قۇجاتقا نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ مەن نۇرسۇلتان نازارباەۆتىڭ كونفەسسياارالىق جانە وركەنيەتارالىق ديالوگتى دامىتۋ ورتالىعىنىڭ باسقارما توراعاسى التاي ابيبۋللاەۆ قول قويدى.
جاڭا ارىپتەستىك ۇيىمدارعا قازاقستاننىڭ ەرىكتىلەر قوزعالىسىن قولداۋعا, سونداي-اق ستۋدەنتتەردى اۋدارما جانە ۇيىمداستىرۋ داعدىلارىنا ۇيرەتۋگە مۇمكىندىك بەرەدى. بۇل اسىرەسە الەمدىك جانە ءداستۇرلى دىندەر كوشباسشىلارىنىڭ سەزدەرى تۇراقتى وتەتىن ەلوردا ءجاستارى ۇشىن وزەكتى.
سونىمەن قاتار, نازارباەۆ ۋنيۆەرسيتەتى مەن نۇرسۇلتان نازارباەۆ ورتالىعى كونفەسسياارالىق ديالوگ سالاسىنداعى ىنتىماقتاستىقتى كەڭەيتەدى. ناتيجەسىندە بىرلەسكەن ءىس-شارالار وتكىزۋ, ءدىني كوشباسشىلاردىڭ قاتىسۋىمەن قوناق دارىستەرى مەن ساراپتامالىق كەزدەسۋلەر ۇيىمداستىرۋ, دىندەردىڭ, مادەنيەتتەر مەن وركەنيەتتەردىڭ ءوزارا ءىس-قيمىلى ماسەلەلەرىن تالقىلاۋ ءۇشىن ديالوگتىق پلاتفورمالار مەن پىكىرتالاس الاڭدارىن اشۋ جوسپارلانۋدا.
مەموراندۋم تاراپتارعا ءوزارا تيىمدى ارىپتەستىكتى كۇشەيتۋگە, كونفەسسياارالىق جانە ەتنوسارالىق كەلىسىم, تولەرانتتىلىق, ۇيلەسىم مەن بەيبىتشىلىكتىڭ قازاقستاندىق بىرەگەي مودەلىن ىلگەرىلەتۋ بويىنشا جوبالاردى اقپاراتتىق قولداۋدى قامتاماسىز ەتۋگە مۇمكىندىك بەرەدى.
