"15 قازانداعى مالىمەتكە سايكەس, ءموبيلدى توپتار 1 973 نىسانعا تەكسەرىس جۇرگىزىپ, ناتيجەسىندە 634 جەكە, لاۋازىمدى جانە زاڭدى تۇلعا 138 ملن تەڭگەدەن استام سوماعا اكىمشىلىك جاۋاپكەرشىلىككە تارتىلدى. اكىمشىلىك جاۋاپكەرشىلىككە تارتىلعان تۇلعانىڭ كىناسى تانىلعان جاعدايدا وعان ايىپپۇلدى قىسقارعان تارتىپپەن تولەۋ مۇمكىندىگى ۇسىنىلادى. سالىنعان 634 ايىپپۇلدىڭ 535-ءى بويىنشا 114 ملن 891 مىڭ تەڭگە تولەندى. كاسىپكەرلىك سۋبەكتىسىنىڭ شاعىمىمەن 4 ءىس قاراۋ ءۇشىن اكىمشىلىك سوتقا جىبەرىلدى. جەكە, لاۋازىمدى جانە زاڭدى تۇلعالاردىڭ شەكتەۋ جانە كارانتين شارالارىن بۇزعانى ءۇشىن جازا قولدانىلادى", - دەدى زەكەن ىسقاقوۆ.
ونىڭ ايتۋىنشا, قر اكىمشىلىك قۇقىق بۇزۋشىلىق تۋرالى كودەكستىڭ 425-بابىنا سايكەس, جەكە تۇلعالارعا 30 ايلىق ەسەپتىك كورسەتكىش, شاعىن كاسىپكەرلىك نەمەسە كوممەرتسيالىق ەمەس ۇيىم سۋبەكتىلەرىنىڭ لاۋازىمدى تۇلعالارىنا 230 اەك, ورتا كاسىپكەرلىك سۋبەكتىلەرىنە 310 اەك, ءىرى كاسىپكەرلىك سۋبەكتىلەرىنە 1 600 اەك كولەمىندە اكىمشىلىك ايىپپۇل سالىنادى.
"ەلوردادا 8 ءموبيلدى توپ جۇمىس ىستەيدى. ولار كۇندەلىكتى 30-70 نىسانعا مونيتورينگ جۇرگىزەدى. شەكتەۋ جانە كارانتين شارالارىن بۇزۋ انىقتالعان جاعدايدا پوليتسيا قىزمەتكەرلەرى بايانات جازادى. سودان كەيىن ماتەريال قاراۋ جانە اكىمشىلىك شارا قابىلداۋ ءۇشىن تاۋارلار مەن كورسەتىلەتىن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتىنىڭ اۋداندىق باسقارمالارىنا جىبەرىلەدى", - دەدى ز.ىسقاقوۆ.
