"STOP-OBNAL" OPM اياسىندا KMF ماماندارى جالعان شوت-فاكتۋرالار شىعارۋمەن جانە اقشانى زاڭسىز قولما-قول اقشامەن جاساۋمەن اينالىساتىن 60-تان استام الەۋەتتى قىلمىستىق توپتى انىقتادى. بۇل توپتار قارجىلىق اينالىمى 2 ترلن تەڭگەدەن اسقان 1200-گە جۋىق باقىلاناتىن كومپانيا قۇرعان.
سونداي-اق, ۇيىمداسقان قىلمىستىق توپ قۇرۋ جانە وعان قاتىسۋ فاكتىلەرى بويىنشا 47 قىلمىستىق ءىس قوزعالعانى تۋرالى حابارلاندى. بۇل سوڭعى بەس جىلداعى رەكوردتىق كورسەتكىش. سونىمەن قاتار, وسى كەزەڭدە العاش رەت ەلدە قولما-قول اقشانىڭ شىعارىلۋ دەڭگەيى 39 پايىزعا تومەندەگەن.
سونىمەن قاتار, جىل باسىنان بەرى بيۋدجەتتىك جانە كۆازيمەملەكەتتىك قاراجاتتى جىمقىرۋ بەلگىلەرى بار 200-دەن استام سحەما انىقتالدى, ونىڭ مولشەرى 360 ملرد.
