ايماقتار • 16 قازان، 2020

اق ورامالدى انالار اكتسياسى ءوتتى

100 رەت كورسەتىلدى

قىزىلوردا قالاسىنداعى دوستىق ۇيىندە "بويتۇمار-حانىم" قوعامدىق قورى، وبلىستىق قازاقستان حالقى اسسامبلەياسى جانىنداعى انالار كەڭەسى جانە وبلىستىق ىسكەر ايەلدەر قاۋىمداستىعىنىڭ  ۇيىمداستىرۋىمەن "اق ورامال – ىزەتتىلىكتىڭ، يناباتتىلىقتىڭ بەلگىسى" اكتسياسى بولىپ ءوتتى. اكتسياعا "باستاڭعى" اجەلەر ءانسامبلى، ەتنومادەني بىرلەستىكتىڭ مۇشەلەرى،  وبلىستىق قحا جانىنداعى انالار كەڭەسىنىڭ بەلسەندىلەرى جانە باق وكىلدەرى قاتىستى.

تاعىلىمى مول اكتسيا دوستىق ءۇيىنىڭ فويەسىندە تاسبوگەت كەنتىندەگى سابيرا مايقانوۆا اتىنداعى مادەنيەت ءۇيىنىڭ "باستاڭعى" اجەلەر ءانسامبلىنىڭ ءان-شاشۋىمەن باستاۋ الدى. "جاڭعىرۋ جولى" جاستار قوزعالىسىنىڭ بەلسەندى مۇشەسى كونستانتين لۋتسا "انا تۋرالى جىر" ءانىن اق جاۋلىقتى انالارعا ارنادى.

وبلىستىق قحا جانىنداعى انالار كەڭەسى 2014 جىلى قۇرىلعان. قۇرىلعان كۇننەن باستاپ كەڭەس مۇشەلەرى وتباسى مارتەبەسىن كوتەرۋگە، شاڭىراق قۇندىلىقتارىن دارىپتەۋگە، ۇرپاق تاربيەسىنە بايلانىستى كوپتەگەن ءىس-شارالار ۇيىمداستىرىپ كەلەدى. وبلىس بويىنشا 118 انالار كەڭەسى جۇمىس جاسايدى.  

قاتىسۋشىلار انالار كەڭەسىنىڭ اتقارعان جۇمىستارىمەن تانىسىپ، سۋرەتتەر كورمەسىن تاماشالادى.

"بويتۇمار-حانىم" قوعامدىق قورىنىڭ ءتورايىمى، انالار كەڭەسىنىڭ مۇشەسى راحيما احمەتوۆا قاتىسۋشىلارعا العىسىن بىلدىرە وتىرىپ، انانىڭ قوعامداعى ءرولى، "اق ورامال" جوباسىنىڭ ماڭىزدىلىعىنا توقتالىپ ءوتتى.  

اكتسيا اياسىندا «باۋىرساق party» ۇيىمداستىرىلدى. اكتسياعا قاتىسۋشىلار وبلىستىق بالالار اۋرۋحاناسىنىڭ اۋلاسىنا 300-گە جۋىق سىر تالى مەن جەمىس اعاشتارىن ەكتى.

 

سوڭعى جاڭالىقتار

دوللار قايتا قىمباتتادى

ەكونوميكا • بۇگىن، 11:55

ۇقساس جاڭالىقتار