جوعالعاندار اراسىندا كامەلەتكە تولماعاندار دابار. ولاردىڭ كوپشىلىگىنىڭ اتا-انالارى ىشىمدىككە سالىنعان. مۇنداي وتباسىلار پروفيلاكتيكالىق ەسەپكە الىنىپ, ولارمەن ءبىرقاتار جۇمىستارجۇرگىزىلۋدە.
اتا-انالارى قاراۋسىز قالدىرىلعان كىشكەنتاي بالالار سىرتتا ويناپ, ءۇيلەرىنەن اداسىپ كەتەتىن دەرەكتەر دە كەزدەسەدى. مۇنداي جاعدايدا ولاردىڭ اتا-انالارى بىردەن پوليتسيا قىزمەتكەرلەرىنەن كومەك سۇرايدى.
جوعالعان ادامداردى ءىزدەۋ بارىسىندا پوليتسەيلەرگە بەلسەندى ەرىكتىلەر كومەك كورسەتۋدە.باسقارمانىڭ كريمينالدىق پوليتسيا ءبولىمىنىڭ قىزمەتكەرلەرى بەلسەندىلەرمەن بىرلەسىپ, ىزدەستىرۋ جۇمىستارىن جۇرگىزەدى. بىرلەسكەن ءتيىمدى شارالار ناتيجەسىندە 6 ءجاسوسپىرىم اتا-انالارىنا قايتارىلدى.
مىسالى, 12 قازان كۇنى ساعات 23:20 شاماسىندا «Instagram» جەلىسىنە قىزىلوردا قالاسىتۇرعىنىنىڭ كامەلەتكە تولماعان 12 جاستاعى بالاسىنىڭ تاڭەرتەڭ ويناۋعا شىعىپ, ۇيىنە كەلمەگەندىگى جونىندە جاريالانىمى شىقتى.
ونى ىزدەۋ ءۇشىن قالالىق پوليتسيا باسقارماسىنىڭ قىزمەتكەرلەرى جۇمىلدىرىلدى جانە بەلسەندى ەرىكتىلەر ءوز كومەكتەرىن ۇسىندى. پوليتسيا قىزمەتكەرلەرى بارلىق پوليتسيا ۋچاسكەلەرىنە باعىت-باعدار بەرىپ, ادامدار كوپ جينالاتىن ورىنداردى, شاتىرلار مەن قاراۋسىز قالعان عيماراتتاردى تەكسەردى.
ءىزدەستىرۋ جۇمىستارى بارىسىندا جوعالعان ءجاسوسپىرىم ءتۇنگى ساعات 23:10 شاماسىندا كورشءى ءۇيدىڭ اۋلاسىندا تابىلىپ, اتا-اناسىنا تاپسىرىلدى.بالانىڭ اناسى پوليتسەيلەرگە ءوز العىسىن ءبىلدىردى.
