ايماقتار • 15 قازان، 2020

قىزىلوردا وبلىسىنىڭ اكىمى ءار سالاعا ناقتى تاپسىرما بەردى

24 رەت كورسەتىلدى

بۇگىن وبلىس اكىمى گۇلشارا ابدىقالىقوۆانىڭ توراعالىعىمەن اپپاراتتىق ءماجىلىس ءوتتى، دەپ حابارلايدى Egemen.kz

كۇن تارتىبىندە ءوڭىردىڭ الەۋمەتتىك-ەكونوميكالىق دامۋىنىڭ 2020 جىلدىڭ 9 ايلىق قورىتىندىسى، وبلىس بيۋدجەتىنىڭ يگەرىلۋ بارىسى مەن بولجامى، جۇمىسپەن قامتۋدىڭ 2020-2021 جىلدارعا ارنالعان جول كارتاسىنىڭ ورىندالۋى جانە جىلۋ بەرۋ ماۋسىمىنىڭ  باستالۋ بارىسى ءسوز بولدى.

ءوڭىردىڭ الەۋمەتتىك-ەكونوميكالىق دامۋىنىڭ 2020 جىلدىڭ 9 ايلىق قورىتىندىسى بويىنشا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى نۇرعالي قورداباي باياندادى.

بۇگىنگى تاڭدا ەكونوميكالىق دامۋدى سيپاتتايتىن ماكروكورسەتكىشتەردىڭ بىرقاتارى بويىنشا ءوسىم بايقالادى. ونەركاسىپتىڭ وڭدەۋشى سەكتورى 3،5%، اۋىل شارۋاشىلىعىعىنىڭ جالپى ءونىمى 3،1%، جانە تۇرعىن ۇيلەردى پايدالانۋعا بەرۋ 0،4% ارتتى.

"اۋىل ەل بەسىگى"، "قىزىلوردا وبلىسىنىڭ ەكونوميكالىق دامۋ جوسپارى"، "جۇمىسپەن قامتۋدىڭ جول كارتاسى"، "قاراپايىم زاتتار ەكونوميكاسى" جانە مەملەكەتتىك باعدارلامالارى اياسىندا اتقارىلىپ جاتقان جۇمىستار-قۇرىلىس سالۋ كولەمى، نەگىزگى كاپيتالعا ينۆەستيتسيالار تارتۋ كورسەتكىشتەرى بويىنشا مەجەنى ورىنداپ قانا قويماي، وعان قوسا وڭدەۋشى ونەركاسىپ، اۋىل شارۋاشىلىعى، ساۋدا جانە قىزمەت كورسەتۋ سالالارىنا دا وڭ ىقپال ەتپەك.

"اۋىل ەل بەسىگى" جوباسى اياسىندا اعىمداعى جىلى وبلىسىمىزعا 62 ينۆەستيتسيالىق جوبانى جۇزەگە اسىرۋ ءۇشىن 5،1 ملرد  تەنگە بولىنگەن. بۇگىندە 35 جوبا تولىعىمەن ىسكە اسىرىلدى.

ايماق باسشىسى بيۋدجەتتىك باعدارلامالار اكىمشىلەرى، اۋداندار جانە قىزىلوردا قالاسىنىڭ اكىمدەرى ايماقتىڭ الەۋمەتتىك-ەكونوميكالىق دامۋىنىڭ ماكروكورسەتكىشتەرى بويىنشا 2020 جىلدىڭ جوسپارلى پارامەترلەرىنە قول جەتكىزۋدى قامتاماسىز ەتۋدى جانە ستاتيسكا دەپارتامەنتىمەن بىرلەسىپ، اي سايىن ەكونوميكالىق كورسەتكىشتەردىڭ ورىندالۋىنا الدىن-الا تالداۋ جاساپ، وڭ تەندەنتسيانى قامتاماسىز ەتۋدى تاپسىردى.

سونىمەن قاتار، ارال، جالاعاش جانە جاڭاقورعان اۋدان اكىمدەرىنە "اۋىل-ەل بەسىگى" جوباسىمەن 2020 جىلعا جوسپارلانعان قارجىلاردى تولىق يگەرۋدى جانە نىسانداردىڭ ىسكە قوسىلۋىن، ال، وبلىستىق قۇرىلىس، ساۋلەت جانە قالا قۇرىلىسى باسقارماسى باسشىسىنا قالا جانە اۋدان اكىمدەرىمەن بىرلەسىپ بارلىق كوزدەردەن جۇزەگە اسىرىلىپ جاتقان قۇرىلىس جۇمىستارىنىڭ ەسەبىن جۇرگىزىپ، اتقارىلعان جۇمىستاردىڭ ستاتيستيكالىق ەسەپتەرگە ەنگىزىلۋىن قامتاماسىز ەتۋدى جۇكتەدى.

مۇنىمەن قوسا، وبلىس اكىمى گۇلشارا ابدىقالىقوۆا ءوڭىردىڭ الەۋمەتتىك-ەكونوميكالىق دامۋىنىڭ 9 ايلىق قورىتىندىسى بويىنشا يندۋستريالدىق-يننوۆاتسيالىق دامۋ، كاسىپكەرلىك جانە تۋريزم، جولاۋشىلار كولىگى جانە اۆتوموبيل جولدارى باسقارمالارىنا ناقتى تاپسىرمالار بەردى.  

كۇن تارتىبىندەگى باسقا دا ماسەلەلەرگە وراي وبلىستىق قارجى باسقارماسىنىڭ باسشىسى ەلەنا شاۆروۆا، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى گاۋحار قالماقوۆا، ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ جەتەكشىسى رۋسلان نۇرماعانبەتوۆ حابارلاما جاسادى.

وبلىس باسشىسى ءار سالا بويىنشا ماسەلەلەردى سارالاپ، باسقارما باسشىلارىنا ناقتى تاپسىرمالار جۇكتەدى.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

كوكسەرەك-عۇمىر

رۋحانيات • بۇگىن، 07:54

تەكتى تەرمەشى

رۋحانيات • بۇگىن، 07:53

ۇقساس جاڭالىقتار