مەديتسينالىق ورتالىقتىڭ جالپى كولەمى 156 مىڭ شارشى مەتردەن اسادى. نىساننىڭ قۇرىلىسى 2022 جىلى اياقتالادى دەپ جوسپارلانعان. زاماناۋي اۋرۋحانا تولىقتاي ىسكە قوسىلسا, 1500-گە جۋىق مامان جۇمىسپەن قامتىلادى. جوبا بويىنشا امبۋلاتوريادا 44 جەدەل جاردەم ءبولىمى جۇمىس جاساماق. سونىمەن قاتار, عيماراتتا جۇرەك-قان تامىرلارى رەانيماتسياسى, كورونارلىق رەانيماتسيا, IDDIN جانە كۇيىكتى ەمدەۋ بولىمدەرى بولادى.
ودان وزگە, جاڭا اۋرۋحانادا 16 وتا جاساۋ بولمەسى, 13 جوسپارلى جانە 3 جەدەل مەديتسينالىق كومەك كورسەتۋ بولىمدەرى, 34 جالپى دارىگەرلىك امبۋلاتوريا تۇرعىندار ءۇشىن قىزمەت كورسەتەتىن بولادى.
كوپسالالى وبلىستىق اۋرۋحانانىڭ قۇرىلىس جۇمىستارىن "KAZPACO" كومپانياسى جۇرگىزۋدە. ول ءۇشىن مەردىگەر مەكەمە 1000-عا جۋىق جۇمىسشى جۇمىلدىرعان. قۇرىلىس ەكى اۋىسىمدا جۇرگىزىلۋدە.
