"مەن ءۇشىن سارىارقا اۋدانى تەك جۇمىس ورنى ەمەس. مەن وسىندا ءوستىم, مەن وسى اۋداننىڭ ءار كوشەسىن بىلەمىن جانە ءالى دە وسىندا تۇرامىن. مەنىڭ باستى مىندەتىم - اۋداندى جاقسارتۋ, تۇرعىندار مەن بيزنەس ءۇشىن جايلى, بارلىعىنا, اسىرەسە بالالارعا قاۋىپسىز ەتۋ", دەپ جازدى ول.
ەسەت بايكەن الدىنا بىرقاتار مىندەتتەر قويعانىن ايتتى. ەڭ الدىمەن, باستى ماقسات سپورتتىق شارالارعا جاعداي جاساۋ جانە اۋداننىڭ جالپى كەلبەتىن جاڭارتۋ ەكەنىن دە ايتتى. جاڭا اكىم اۋدان اۋلالارىن قاۋىپسىز ەتىپ, جاياۋ جۇرگىنشىلەر جولى ينفراقۇرىلىمىندا تىعىز جۇمىس جاساماق.
سونىمەن قاتار, ەسەت بايكەن بيلىك پەن ايماق تۇرعىندارى اراسىندا ءتيىمدى كەرى بايلانىس جۇيەسىن قۇرۋعا دايىن ەكەنىن ايتىپ, بايلانىس تەلەفونىن جاريالادى:
ء"بىزدىڭ ورتاق ماقساتىمىز - ءتيىمدى كەرى بايلانىس جۇيەسىن قۇرۋ, سوندىقتان ماعان بارلىعى مۇندا نەمەسە +77021046023 (WhatsApp, Telegram) ارقىلى جازا الادى", دەدى ول.
ەستەرىڭىزگە سالا كەتەيىك, بۇگىن نۇر-سۇلتاندا 34 جاستاعى ەسەت بايكەن سارىارقا اۋدانىنىڭ اكىمى بولىپ تاعايىندالدى. بۇعان دەيىن ول قالا اكىمى اپپاراتىنىڭ جەتەكشىسى بولعان ەدى.
