جۇك ەكسپورتى – 4 ملن توننانى, يمپورت – 6,8 ملن توننانى قۇراپ, 905 مىڭ توننا ترانزيتتىك جۇك تاسىمالداندى.
2020 جىلعى قاڭتار-قىركۇيەك ايلارىندا رەسپۋبليكا ىشىندە اۆتوكولىكپەن 7,3 ملرد جولاۋشى جانە 2,3 ملرد توننا جۇك تاسىمالداندى.
ەل اۋماعىندا كوروناۆيرۋستىق ينفەكتسيانىڭ تارالۋىنا جانە پاندەميانىڭ دامۋىنا جول بەرمەۋ ماقساتىندا ۇكىمەت قابىلداعان كارانتيندىك شارالاردان ىشكى جولاۋشىلار اينالىمى ەكى ەسەگە ازايىپ, اۆتوموبيلمەن ىشكى جۇك تاسىمالى كولەمى 8 % تومەندەدى.
ۇكىمەت تاپسىرماسى بويىنشا توتەنشە جاعداي جانە كارانتين ۋاقىتىندا قر يندۋستريا جانە ينفراقۇرىلىمدىق دامۋ مينيسترلىگى مىناداي شارالار قابىلدادى:
- قحر, رەسەي, قىرعىزستان, وزبەكستان, تاجىكستان جانە موڭعوليامەن 117 تۇراقتى اۆتوبۋس باعىتى توقتاتىلدى;
- حالىقارالىق جانە ترانزيتتىك جولاۋشىلار تاسىمالىنا تىيىم سالىنادى;
- وڭىرلەرگە/وڭىرلەردەن جولاۋشىلاردى وبلىسارالىق جانە قالاارالىق تاسىمالداۋ توقتاتىلدى;
- وڭىرلەردە اۆتوۆوكزالدار مەن اۆتوستانتسيالاردىڭ جۇمىسى توقتاتىلدى;
-وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرىنە تج رەجيمى كەزەڭىندە وڭىرلەردە اۆتوموبيل كولىگىمەن جولاۋشىلاردى تاسىمالداۋدى شەكتەۋ جونىندە ۇسىنىمدار جىبەرىلدى;
- رەسەي جانە وزبەكستانمەن مەملەكەتتىك شەكارا ارقىلى وتەتىن 12 جەكە اۆتوموبيل وتكىزۋ پۋنكتى ۋاقىتشا جابىلدى.
- شەت مەملەكەتتەردىڭ قۇزىرەتتى كولىك ورگاندارىنا حالىقارالىق قاتىناستا جۇكتەردى تاسىمالداۋ كەزىندە سانيتاريالىق ءىس-شارالاردى ساقتاۋ قاجەتتىلىگى تۋرالى ۇسىنىمدار جىبەرىلدى;
بۇل رەتتە, حالىقارالىق جانە رەسپۋبليكاىشىلىك قاتىناستا اۆتوكولىك قۇرالدارىمەن جۇكتەردى تاسىمالداۋعا شەكتەۋلەر ەنگىزىلمەگەنىن اتاپ وتكەن ءجون.
اعىمداعى جىلدىڭ 31 تامىزىنان باستاپ قر ۇكىمەتىنىڭ شەشىمىمەن وبلىسىشىلىك قالاارالىق اۆتوبۋس تاسىمالدارى قايتا جانداندى.
مەملەكەتتىك قولداۋ كورسەتۋ ماقساتىندا الەۋمەتتىك ماڭىزى بار اۆتوبۋس قاتىناستارىن ققس تولەۋدەن بوساتۋ بويىنشا جۇمىستار جۇرگىزىلۋدە. زاڭ جوباسى قر پارلامەنتى سەناتىنىڭ قاراۋىندا.
سونداي-اق, مينيسترلىك اۆتوموبيل كولىگىندە قالالىق جولاۋشىلار تاسىمالىن دامىتۋ جونىندەگى شارالار كەشەنىن ازىرلەندى. وندا الەۋمەتتىك ماڭىزى بار مارشرۋتتاردى تولىق سۋبسيديالاۋدى قامتاماسىز ەتۋ جونىندەگى ءىس-شارالار كوزدەلگەن. اتالعان شارالار كەشەنىن قر پرەمەر-ءمينيسترىنىڭ وكىمىمەن بەكىتۋ جوسپارلانۋدا.
حالىقارالىق نارىقتا باسەكەگە قابىلەتتىلىكتى ارتتىرۋ ءۇشىن وتاندىق تاسىمالداۋشىلار اعىمداعى جىلدىڭ سوڭىنا دەيىن ەرشىكتى تارتقىشتاردى ساتىپ الۋ كەزىندە باستاپقى تىركەۋ ءۇشىن الىمنان بوساتىلدى.
جالپى ەلىمىزدە جۇك جانە جولاۋشىلار تاسىمالى سالاسىندا 4,5 مىڭ كومپانيا جۇمىس ىستەيدى. ولاردىڭ 17,5 مىڭنان استام اۆتوكولىك قۇرالى بار.
