"ددسۇ باس ديرەكتورى تەدروس گەبرەيەسۋس ايتقان ۇيىمنىڭ ۇستانىمىن اتاپ وتكىم كەلەدى, وعان سايكەس ىندەتتىڭ تارالۋى ۆيرۋستىڭ ادامدار اراسىنداعى ەركىن اينالىمىنا ەمەس, جاپپاي ۆاكتسيناتسيالاۋعا نەگىزدەلگەن يممۋنيتەتى بار حالىقتىڭ ۇلەسى باسىم بولعان كەزدە توقتايدى. وسىلايشا, ۆاكتسينامەن باسقارىلاتىن يممۋنيتەت ينفەكتسيانىڭ تارالۋىن بولدىرماۋعا نەگىز بولادى. وسىعان بايلانىستى, ۆاكتسينا ازىرلەنبەيىنشە, ءبارىمىز ۇنەمى قول جۋىپ, بەتپەردە تاعىپ, كارانتيندىك شارالاردى جانە الەۋمەتتىك قاشىقتىقتى ساقتاۋىمىز قاجەت", - دەپ ەسكەرتتى مينيستر.
سونىمەن قاتار, ەلىمىزدە تۇماۋعا قارسى پروفيلاكتيكالىق ۆاكتسيناتسيالاۋ 15 قىركۇيەكتە باستالدى. ەكپە جاساۋ ناۋقانى "ماۋسىمدىق ينفەكتسيالار مەن كوروناۆيرۋستىق ينفەكتسيانىڭ جاڭا تولقىنىن" ازايتۋ ءۇشىن ەرتە باستالدى. ول ءۇشىن تۇماۋعا قارسى ۆاكتسينالاردىڭ 2,2 ملن دوزاسى ساتىپ الىندى, بۇل رەسپۋبليكانىڭ جالپى حالقىنىڭ 11%-ىن قامتۋعا مۇمكىندىك بەرەدى. ددسۇ ۇسىنعان قامتۋدىڭ ەڭ تومەنگى شەگى - 10%. ازاماتتاردىڭ الەۋمەتتىك وسال توپتارىنا جاتاتىن 1,8 ملن ادام ەگىلدى. وسى اپتانىڭ سوڭىنا دەيىن ۆاكتسيناتسيالاۋ تولىعىمەن اياقتالادى.
