اتىراۋ قالاسى № 2 سوتىنىڭ ءباسپاسوز قىزمەتىنىڭ مالىمەتىنشە, ۇكىم 13 قازاندا شىعارىلعان.
"سوت سوتتالۋشىنىڭ لاۋازىمدى تۇلعا بولا وتىرىپ, تارتىپتىك سيپاتتاعى شارالاردى قابىلداماعانى ءۇشىن قولاستىنداعىلاردان بوپسالاۋ ارقىلى 3 000 دوللار پارا العانىن انىقتادى. قابىلدانعان انتتى بۇزۋ اۋىرلاتاتىن جاعداي دەپ تانىلدى.
جاسالعان سىبايلاس جەمقورلىق قىلمىستىڭ اۋىرلىعى مەن سيپاتىن, سونداي-اق سوتتالۋشىنىڭ جاساعان ىسىنە وكىنبەگەنىن ەسكەرە وتىرىپ, سوت باس بوستاندىعىنان ايىرۋدى تاعايىنداۋدى ءادىل شەشىم دەپ تاپتى", - دەلىنگەن حابارلامادا.
سوتتالۋشى ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى. سوت ۇكىمى زاڭدى كۇشىنە ەنگەن جوق.
