مەديتسينا • 14 قازان، 2020

قاريانى 7 مينۋتتا اياعىنان تۇرعىزدى

51 رەت كورسەتىلدى

ۇلتتىق نەيروحيرۋرگيا ورتالىعىنىڭ دارىگەرلەرىنە ومىرتقانىڭ ديسك جارىعىن الىپ تاستاپ، ناۋقاستى اياعىنا تۇرعىزۋ ءۇشىن بار بولعانى 7 مينۋت قاجەت بولدى.

ەلوردانىڭ ىرگەسىندەگى قاراوتكەل اۋىلىنىڭ 72 جاستاعى تۇرعىنى امان­گەلدى ۇسەيىنوۆ بەلى قاتتى اۋىرىپ، ايا­عىن باسا الماي قالعان ەدى. ءجۇرىپ-تۇرماق تۇگىلى، جانىنا اۋرۋ باتقاندا ۇيقىدان دا قالادى. ادام توزگىسىز ازاپتى اۋرۋ اقساقالدى ۇلتتىق نەيروحيرۋرگيا ورتالىعىنىڭ ماماندارىنا الىپ كەلدى. ونى ورتالىقتىڭ ج ۇلىن نەيروحيرۋرگياسى جانە شەتكى جۇيكە جۇيەسىنىڭ پاتولوگياسى بولىمشەسىنىڭ دارىگەرلەرى قاراپ، پاتسيەنتتىڭ مرت سۋرەت­تەرىنەن بەل ومىرتقاسىنىڭ دەگە­نەراتيۆتى-ديستروفيالىق وزگەرىس­تەرىن انىقتادى. مەديتسينا تىلىمەن ايت­قاندا ءتورتىنشى جانە بەسىن­شى بەل ومىرتقالارى اراسىنداعى ديسكىنىڭ سول جاق فورامينالدى جارىعى بار بو­لىپ شىقتى.

قاريانىڭ اۋرۋىن جانە جاسىنىڭ ۇلعايعانىن ەسەپكە العان بولىمشە دارىگەرلەرى ومىرتقالاردىڭ L4-L5 ديسكى­سىنىڭ جارىعىن ەندوسكوپيالىق-ترانسفورامينالدىق جولمەن الىپ تاس­تاۋدى ۇيعارادى.

ج ۇلىن نەيروحيرۋرگياسى بولىم­شەسى­نىڭ مەڭگەرۋشىسى، پروفەسسور تال­عات كەرىمباەۆتىڭ ايتۋىنشا، بۇل پا­­­تسينەتكە جارىقتى الىپ تاس­تاۋ وپە­­­راتسياسىن جۇرگىزۋدىڭ وزىندىك قيىن­­دىعى بولعان. جارىق قول جەتۋى قيىن جەردە ورنالاسقان ەكەن. بۇل جاع­دايدا دارىگەرلەر وتە جىلدام جانە جارا­قاتسىز، ەڭ باستىسى ءتيىمدى ەمدەۋ ءادىسىن تاڭدايدى. ادەتتە مۇنداي وقشاۋلانعان جارىقتار كەزىندە سەگمەنتتى يمپلانتتى بەكىتۋ جولىمەن ومىرتقا قۇرىلىمىنىڭ بولىگىن الىپ تاستايتىن جاراقاتتاۋشى ءادىستى قول­داناتىن. ال بۇل جولى باسقاشا جول تاڭ­دالىپ، وپەراتسيا ۋاقىتى بار بول­عانى جەتى مينۋتتان استام ۋاقىتتى الدى.

ء«بىز، نەيروحيرۋرگتەر ومىرتقا جانە ج ۇلىن اۋرۋلارىن ەمدەۋدىڭ وسىنداي زاماناۋي، جوعارى تەحنولوگيالىق، كىشى ينۆازيالى ادىستەرىن قولدانۋ ارقىلى وپەراتسيا ۋاقىتىن قىسقارتۋمەن قا­تار ەمدەۋ ناتيجەلەرىن جاقسارتۋعا، سونداي-اق پاتسيەنتتەردى وپەراتسيادان كەيىن ەرتەرەك اياققا تۇرۋىنا جانە ولار­دى كۇندەلىكتى ومىرگە قايتا ورالۋىنا مۇمكىندىك بەرەتىنىن ەسەپكە الامىز. سوندىقتان وپەراتسيا جەرگىلىكتى انەس­تەزيامەن، ناۋقاستىڭ ەسىن تولىق ساق­تاي وتىرىپ جاسالدى. بۇل وپەراتسيا اياقتالا سالا پاتسيەنتتىڭ ءوز ايا­عىنا تۇرىپ ءجۇرىپ كەتۋىنە مۇمكىندىك بەر­دى. ايتا كەتەرلىك جايت، ناۋقاستى الاڭ­داتاتىن بارلىق بەلگى تولىعىمەن جويىل­دى»، دەيدى ورتا­لىق ماماندارى.

ال اۋرۋىنان 7 مينۋت ىشىندە ايىق­­قان 72 جاستاعى امانگەلدى ۇسەيى­نوۆ «ج ۇلىن نەيروحيرۋرگيا­سى بولىم­شەسىنىڭ دارىگەرلەرىنە، مەيىر­گەر­لەرى­نە جۇرەكجاردى العىستان باس­قا ايتارىم جوق، ساۋىعىپ كەلە جاتقانىما قۋانىشىم شەكسىز! وسى ورتالىققا كەلگەندە ءوز اياعىممەن جۇرە المادىم، بالالارىم مەنى مۇگەدەكتەر ارباسىمەن الىپ كەلدى. جيىرما كۇننەن استام ۋاقىت جۇرە الماۋ بىلاي تۇرسىن، ءتىپتى ەشقانداي قوزعالا الماي قالدىم. قازىر اقىرىنداپ جۇرە باستادىم، جاقىندا ۇيدەگى شارۋالارىممەن دە اينالىسا باستايمىن دەپ ويلايمىن. بارلىعىنا شىن كوڭىلدەن ۇلكەن راحمەت!» دەيدى اعىنان جارىلىپ.

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار