ول شىدەرتى كەنتىندەگى قاۋىپسىزدىگى بارىنشا تومەن اپ-162/10 تۇزەتۋ مەكەمەسىنەن قاشىپ كەتكەن.
سوتتالعان ەر ادام 2019 جىلدىڭ تامىزىندا مەكەمە اۋماعىنان كەتىپ قالعان. الايدا كەشكە كولونياعا ورالماعان. قاۋىپسىزدىگى بارىنشا تومەنشە مەكەمەدە سوتتالعاندار كولونيا اۋماعىننان تىس جەردە جۇمىس ىستەۋگە قۇقى بار.
"قاج قىزمەتكەرلەرى سوتتالعان ەر ادامنىڭ قايدا ەكەنىن انىقتاۋ ءۇشىن ەكىباستۇز قالاسى پوليتسيا باسقارماسى ماماندارىمەن بىرلەسىپ, جۇمىس جۇرگىزگەن. ءبىز 1 جىل بويى سوتتالۋشىنىڭ قايدا ەكەنىن انىقتاي المادىق. قازىرگى تاڭدا ول پاۆلودارداعى تەرگەۋ يزولياتورىندا قاماۋدا وتىر. ءبىز ونى قاۋىپسىزدىگى ورتاشا مەكەمەگە قايتارۋ ءۇشىن سوتقا ماتەريال جىبەرەمىز", دەيدى اپ-162/10 مەكەمەسىنىڭ باسشىسى ەربول ءشارىپوۆ.
تەرگەۋ بارىسىندا سوتتالۋشى كىناسىن مويىنداپ, نۇر-سۇلتانداعى وتباسىنا بارعانىن ايتقان. ونىڭ ازاماتتىق نەكەدەگى ايەلى مەن قىزى بار ەكەن. وسى ۋاقىتقا دەيىن ول ءارتۇرلى مەكەن-جايدا تۇرعان, ءارتۇرلى جۇمىس ىستەگەن.
ايتا كەتەيىك, شىدەرتى كەنتىندەگى قاۋىپسىزدىگى بارىنشا تومەن اپ-162/10 مەكەمەسىندە 62 سوتتالعان ازامات جازاسىن وتەپ جاتىر.
