اۋرۋلاردى باقىلاۋ جانە الدىن الۋ جونىندەگى ۇلتتىق باسقارمانىڭ حابارلاۋىنشا, الەۋمەتتىك الىستاۋ دەڭگەيىنە قاراماستان مەديتسينالىق جانە مەكتەپكە دەيىنگى مەكەمەلەردە ماسكا كيۋ مىندەتتەلدى.
13 قازاننان باستاپ ءتارتىپ بۇزۋشىلارعا 100 مىڭ ۆونعا دەيىن ايىپپۇل سالىنادى. مىندەتتى ماسكا رەجيمى بار نىساندارعا جاۋاپتى ادامدارعا ونىڭ ساقتالۋىن قامتاماسىز ەتە الماعانى ءۇشىن 3 ميلليون ۆون ايىپپۇل سالىنۋى مۇمكىن.
14 جاسقا دەيىنگى بالالار مەن مەديتسينالىق سەبەپتەر بويىنشا ماسكا كيە المايتىن ادامدار ءۇشىن جاعداي قاراستىرىلعان. ولار ماسكا كيمەسە بولادى. سونداي-اق قورعانىس ماسكالارىن مەديتسينالىق پروتسەدۋرالار, تاماقتانۋ جانە باسسەيندە ءجۇزۋ كەزىندە الىپ تاستاۋعا رۇقسات ەتىلەدى. مۇنداي جاعدايلاردا ادامدارعا ايىپپۇل سالىنبايدى.
ءوز كەزەگىندە وڭتۇستىك كورەيانىڭ دەنساۋلىق ساقتاۋ جانە الەۋمەتتىك قامسىزداندىرۋ مينيسترلىگى ەلدە تۇماۋعا قارسى تەگىن ۆاكتسيناتسيا باعدارلاماسى قايتا باستالعانىن حابارلادى. وڭتۇستىك كورەيادا بيىل پاندەميا كەزىندە مەديتسينالىق مەكەمەلەرگە جۇكتەمەنى ازايتۋ ءۇشىن حالىقتى ماۋسىمدىق تۇماۋعا قارسى جاپپاي تەگىن ۆاكتسيناتسيالاۋ باستالدى.
وڭتۇستىك كورەيالىق دارىگەرلەر وتكەن تاۋلىكتە 102 ادامنىڭ كوروناۆيرۋس جۇقتىرعانىن انىقتادى, پاندەميا باستالعالى بەرى رەسپۋبليكادا كوروناۆيرۋس جۇقتىرعانداردىڭ جالپى سانى 24 805-كە جەتتى.
