قايعىلى وقيعا بولعان كۇنى 15 جانە 7 جاستاعى اپالى-ءسىڭلىلى سەكيسوۆكا اۋىلىنداعى اپايىنىڭ ۇيىندە بولعان. وقۋشى قىزدار پەشتى جاعىپ, وزدەرى جاتىپ قالادى. تاڭەرتەڭ قىزداردىڭ اناسى ولاردى ەس-ءتۇسسىز كۇيدە تاپقان. كەلگەن جەدەل جاردەم دارىگەرلەرى بالالاردىڭ ەكەۋى دە قايتىس بولعانىن مالىمدەدى. ماماندار قىزداردىڭ كومىرتەك توتىعىمەن ۋلانعانىن راستادى.
"قايعىلى جاعدايعا جىلۋ پەشىنىڭ مۇرجاسىنداعى جابىق ىسىرما سەبەپ بولدى. قىزدار قاراۋسىز قالىپ, پەش جاعىپ, ءۇيدى جىلىتامىز دەپ قايتىس بولدى", دەدى گلۋبوكوۆسكي اۋدانىنداعى توتەنشە جاعدايلار ءبولىمىنىڭ باستىعى كونستانتين بوروۆيكوۆ.
