جوبا اياسىندا اۋىلدىق جەرگە جۇمىسقا ورنالاسقان ءاربىر ازاماتقا 100 ايىلىق ەسەپتىك كورسەتكىشكە تەڭ ءبىر جولعى كوتەرمە جاردەماقى تولەنەدى. سونىمەن قاتار تۇرعىن ءۇي سالۋعا نەمەسە ساتىپ الۋ ءۇشىن 1500 اەك-تەن اسپايتىن 15 جىلعا دەيىنگى مەرزىمگە 0,01 پايىزبەن نەسيە تۇرىندە الەۋمەتتىك قولداۋ كورسەتىلەدى.
وتكەن 2019 جىلى "ديپلوممەن اۋىلعا" جوباسى اياسىندا اۋىلدىق ەلدى-مەكەندەرگە جۇمىسقا ورنالاسقان ءبىلىم, دەنساۋلىق ساقتاۋ, مادەنيەت, سپورت, الەۋمەتتىك قامسىزداندىرۋ, اگروونەركاسىپتىك كەشەن سالاcىنداعى 422 مامانعا ءبىر جولعى كوتەرمە جاردەماقى تولەۋگە 73,8 ملن تەڭگە,جەڭىلدەتىلگەن نەسيەمەن تۇرعىن ءۇي الۋعا نەمەسە سالۋعا 503 مامانعا 1 ملرد 905 ملن تەڭگە بەرىلگەن. ال, 2020 جىلعا 501 مامانعا ءبىر جولعى كوتەرمە جاردەماقى تولەۋگە 126,8 ملن تەڭگە, جەڭىلدەتىلگەن نەسيەمەن تۇرعىن ءۇي الۋعا نەمەسە سالۋعا 544 مامانعا 2 ملرد 250 ملن تەڭگە بولىنگەن. قازىرگى تاڭدا 392 مامانعا 107,1 ملن تەڭگە كولەمىندە ءبىر جولعى كوتەرمە جاردەماقى تابىستالعان. تۇرعىن ءۇي سالۋعا نەمەسە ساتىپ الۋعا ءوتىنىش بەرگەن 372 جاس مامانعا 1 ملرد 481 ملن تەڭگە نەسيە تۇرىندە الەۋمەتتىك قولداۋ كورسەتىلدى.
جوباعا ەنگىزىلگەن سوڭعى وزگەرتۋلەرگە بايلانىستى "ديپلوممەن اۋىلعا" جوباسى اياسىندا ەلدى-مەكەنگە جۇمىسقا ورنالاسقان ازاماتتار بۇرىنعىسىنشا اتا-اناسى نەمەسە جاقىن تۋىستارىنىڭ ءۇيىن ساتىپ الا المايدى. سونىمەن قاتار ماماندار كرەديتتىك بيۋرودان نەسيە تاريحىن ۇسىنادى جانە كەز-كەلگەن نەسيە بويىنشا بەرەشەگى بولعان جاعدايدا ولاردى تولىق وتەگەنگە دەيىن تۇرعىن ءۇي ساتىپ الۋعا نەمەسە سالۋعا جەڭىلدەتىلگەن نەسيە بەرىلمەيدى. الەۋمەتتىك قولداۋ شارالارى ۇسىنىلعان مامان ەلدى-مەكەندە كەمىندە 3 جىل جۇمىس ىستەۋگە مىندەتتەلەدى.
