قىتاي ءتىلى. الەمدە 1,3 ملرد ادام وسى تىلدە سويلەيدى. قىتاي ءتىلى قىتاي, تايۆان جانە سينگاپۋردىڭ رەسمي ءتىلى بولىپ تابىلادى. ول الەمدەگى ەڭ قيىن ءتىل بولىپ سانالادى.
اعىلشىن ءتىلى. 600 ميلليون ادام وسى تىلدە سويلەيدى. الەمدەگى ەڭ كەڭ تارالعان ءتىل: 106 ەل اعىلشىن تىلىندە سويلەيدى. اعىلشىن ءتىلى ۇلىبريتانيادا رەسمي جانە نەگىزگى ءتىل بولىپ تابىلادى.
حيندي ءتىلى. 490 ميلليون ادام وسى تىلدە سويلەيدى. ءۇندىستان, نەپال, بانگلادەشتە جانە پاكىستاندا حيندي ءتىلى قولدانىستا. كوپشىلىك حيندي كوپ ۇزاماي قىتاي ءتىلىن باسىپ وزادى دەپ بولجايدى.
يسپان ءتىلى. الەمدە 427 ميلليون ادام وسى تىلدە سويلەيدى. الەمنىڭ 31 ەلى يسپان تىلىندە سويلەيدى. يسپان ءتىلى بۇۇ, ەۋروپالىق وداق جانە وڭتۇستىك امەريكا ۇلتتار وداعى سياقتى حالىقارالىق ۇيىمداردىڭ رەسمي ءتىلى.
اراب ءتىلى. الەمدەگى 58 ەلدە 267 ملن ادام ءوسى تىلدە سويلەيدى. اسىرسە, ساۋد ارابياسىندا, يراكتا, كۋۆەيتتە, سيريادا, ليۆاندا, يوردانيادا جانە ەگيپەتتە كەڭ قولدانىلادى.
ورىس ءتىلى. الەمنىڭ 17 ەلىندە 260 ملن ادام سويلەيدى. ورىس ءتىلى رەسەيدىڭ, قازاقستاننىڭ, بەلارۋستىڭ, قىرعىزستان مەن تاجىكستاننىڭ رەسمي ءتىلى. بۇل ءتىل – بۇۇ-نىڭ التى رەسمي ءتىلىنىڭ ءبىرى.
بەنگال ءتىلى. بانگلادەشتە جانە ءۇندىستاننىڭ كەيبىر شتاتتارىندا 250 ميلليون ادام وسى تىلدە سويلەيدى. بانگلادەشتە بەنگال ءتىلى رەسمي ءتىل, ال ءۇندىستاندا تانىمالدىلىعى جاعىنان ەكىنشى ءتىل.
پورتۋگال ءتىلى. الەمنىڭ 12 ەلىندە 240 ملن ادام وسى تىلدە سويلەيدى.
يندونەزيا ءتىلى. الەمدەگى 16 ەلدە 200 ملن ادام قولدانادى.
فرانتسۋز ءتىلى. 53 ەلدە 150 ملن ادام فرانتسۋز تىلىندە سويلەيدى. نەگىزىنەن فرانتسيادا قولدانىلادى. فرانتسۋز ءتىلى – كوپتەگەن حالىقارالىق ۇيىمداردىڭ رەسمي ءتىلى: ەۋروپالىق وداق, حالىقارالىق وليمپيادا كوميتەتى جانە بۇۇ.
