جۋىردا بيولوگيا عىلىمدارىنىڭ كانديداتى, قاۋىمداستىرىلعان پروفەسسور ۆيكتور كامكين ستۋدەنتتەرمەن بىرگە ورالدىق ميانى ەگۋ تاجىريبەسىن باستادى. كوكتەمدە سىناقتىڭ ەكىنشى كەزەڭى باستالادى.
عالىمداردىڭ ايتۋىنشا, وبلىستا ميا نەمەسە وزگە دارىلىك وسىمدىكتەردى دايىنداۋ زاڭسىز جۇرگىزىلەدى. ستيحيالىق دايىنداۋ بارىسىندا وسىمدىكتەردىڭ ەرەكشەلىكتەرى ەسكەرىلمەي, تابيعي پوپۋلياتسيا ءوز رەسۋرستارىن قالىپقا كەلتىرۋگە ۇلگەرمەيدى. بۇل جوبا وسىمدىكتەردىڭ تابيعي ەرەكشەلىكتەرىن ساقتاپ, ەكولوگيالىق ءوسىرۋدى ۇيىمداستىرۋعا مۇمكىندىك بەرمەك.
– پلانتاتسيالىق وسىرۋگە ورالدىق ميا جارامدى. قىتايلىق مەديتسينادا ميا – جەنشەنمەن پارا-پار دارىلىك وسىمدىك. عالامتوردا تامىردىڭ ءبىر كيلوسى 1600 تەڭگەدەن ساتىلىپ ءجۇر. ءبىز بۇل ءۇردىستى زاڭداستىرعىمىز كەلەدى, – دەيدى ساراپشى.
عالىمدار دارىلىك وسىمدىكتەردى زەرتتەۋمەن 2007 جىلدان بەرى اينالىسىپ كەلەدى. ەرتىس وزەنىنىڭ جايىلىمى, باياناۋىل ۇلتتىق پاركى مەن ەرتىس ورمانى رەزەرۆاتىنىڭ اۋماعى تىڭعىلىقتى زەرتتەلدى. بۇگىندە ايماقتا جابايى تۇردە 194 دارىلىك وسىمدىك ءتۇرى وسەتىنى بەلگىلى بولدى. ونى ءوسىرۋ تۋراسىندا جۇرگىزىلگەن سىناق ناتيجەسىندە وسىمدىكتەردى باسقا جاعدايعا دا بەيىمدەۋگە بولادى دەگەن قورىتىندى جاسالدى.
– قازاقستانداعى فارماتسەۆتيكالىق سالانىڭ قازىرگى جاعدايى سىن كوتەرمەيدى. سەبەبى ەلىمىز قاجەتتىلىگىمىزدىڭ تەك 15%-ىن جابادى. ال مەملەكەتتىڭ ۇلتتىق قاۋىپسىزدىگىن قامتاماسىز ەتۋدە پرەپاراتتاردىڭ ۇلەسى كەم دەگەندە 30 %-دى قۇراۋى كەرەك, – دەيدى ۆ.كامكين.
قازىرگى ۋاقىتتا قازاقستانداعى فارمكومپانيالار ءدارى دايىنداۋدا شيكىزاتتى الىس-جاقىن شەتەلدەردەن تاسىمالدايدى (رف, التاي ءوڭىرى, قحدر).
قازاقستاننىڭ ءار وبلىسىندا دارىلىك وسىمدىكتەر وسەدى. دەگەنمەن, دارىلىك وسىمدىك شارۋاشىلىعىنىڭ الەۋەتى ءبىرىنشى كەزەكتە ايماقتىڭ ەكولوگيالىق تازالىعىنا بايلانىستى انىقتالادى. ال ەكىنشى كەزەكتە, بيولوگيالىق سان الۋاندىلىعى مەن لاندشافتى دەڭگەيلەرى قاراستىرىلادى. بۇل تۇرعىدا وبلىستىڭ – جەلەزين اۋدانىنىڭ الەۋەتى زور.
پاۆلودار وبلىسى
