جامبىلدىق قارجى پوليتسياسى قىزمەتكەرلەرى 33 مىڭ ليتر كولەمىندەگى ەتيل ءسپيرتىن شىمكەنت قالاسىنان الماتى قالاسىنا اپارا جاتقان «VOLVO» جانە «MAN» ماركالى 2 اۆتوكولىك جۇرگىزۋشىلەرىنىڭ جولىن كەستى. جەدەل ىزدەستىرۋ ءىس-شارالارىن جۇرگىزۋ بارىسىندا قارجى پوليتسەيلەرى ازامات ك. مەن ازامات ت.-نىڭ تىركەمەلەردەگى سۇيىقتىڭ ەتيل ءسپيرتى ەكەندىگىن انىقتادى. ال ەتيل ءسپيرتىنىڭ 1 ءليترى نارىقتا 930 تەڭگەگە باعالانادى.
جامبىلدىق قارجى پوليتسياسى قىزمەتكەرلەرى 33 مىڭ ليتر كولەمىندەگى ەتيل ءسپيرتىن شىمكەنت قالاسىنان الماتى قالاسىنا اپارا جاتقان «VOLVO» جانە «MAN» ماركالى 2 اۆتوكولىك جۇرگىزۋشىلەرىنىڭ جولىن كەستى. جەدەل ىزدەستىرۋ ءىس-شارالارىن جۇرگىزۋ بارىسىندا قارجى پوليتسەيلەرى ازامات ك. مەن ازامات ت.-نىڭ تىركەمەلەردەگى سۇيىقتىڭ ەتيل ءسپيرتى ەكەندىگىن انىقتادى. ال ەتيل ءسپيرتىنىڭ 1 ءليترى نارىقتا 930 تەڭگەگە باعالانادى.دەمەك, 33 مىڭ ليتر ەتيل ءسپيرتىنىڭ جالپى قۇنى 30,7 ميلليوننان استام تەڭگەنى قۇرايدى دەگەن ءسوز.
بۇگىندە كۇدىكپەن ۇستالعان كۇماندى كاسىپكەرلەر ك. مەن ت.-عا تىركەۋدەن وتپەگەنى, ارناۋلى رۇقساتسىز (ليتسەنزياسىز) كوپ مولشەردە اكتسيزدەلىنەتىن تاۋارلاردى ساقتاعانى جانە ونى ساتۋ ارقىلى زاڭسىز كاسىپكەرلىك قىزمەتپەن اينالىسقانى ءۇشىن قك 190-بابىنىڭ 1-ءبولىمى بويىنشا قىلمىستىق ءىس قوزعالدى. قازىرگى كەزدە قىلمىستىق ىستەر سوت قاراۋىندا.
جالپى, قارجى پوليتسياسى دەپارتامەنتىنىڭ قىزمەتكەرلەرى اعىمداعى جىلدىڭ باسىنان بەرى كولەمى 60 مىڭ ليترگە جۋىق ەتيل ءسپيرتى تۇرىندەگى كونتراباندالىق تاۋارلاردى قولعا ءتۇسىردى. ونىڭ قۇنى 56 ميلليوننان استام تەڭگەنى قۇرايدى. «اينالىمنان» الىنعان 60 مىڭعا جۋىق ليتر كونتراباندالىق سپيرتتەن «كولەڭكەلى بيزنەس» وكىلدەرى ساپاسى ناشار الكوگولدىك ءونىمنىڭ 240 مىڭنان استام بوتەلكەسىن جاساۋدى جوسپارلاپتى. ال ونى ىشكەن جۇزدەگەن تۇرعىنداردىڭ دەنساۋلىعى بۇزىلاتىنى ايتپاسا دا تۇسىنىكتى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
