كەزەكشى بولىمگە ەڭبەكشىقازاق اۋدانىنداعى اۋىلداردىڭ ءبىرىنىڭ تۇرعىنىنان كوشەدە زورلىق-زومبىلىق بەلگىلەرى بار ءمايىتتىڭ تابىلعانى تۋرالى حابارلاما كەلىپ تۇسكەن. اتالعان فاكت قر قك 99-بابىنىڭ 1-بولىگى (ادام ءولتىرۋ) بويىنشا تىركەلدى.
وقيعا ورنىنا جەتكەن جەدەل-تەرگەۋ توبى پىشاق جاراقاتى سالدارىنان قازا تاپقان 32 جاستاعى جەرگىلىكتى تۇرعىننىڭ جەكە باسىن انىقتادى.
"قىلمىسقا قاتىسى بار دەگەن ادامداردىڭ بارلىعىن تەكسەرە وتىرىپ, شەلەك پب ۋچاسكەلىك ينسپەكتورلارى 1991 جىلى كىسى ولتىرگەنى ءۇشىن 15 جىلعا باس بوستاندىعىنان ايىرىلعان جانە اۋلاسىنان قان ىزدەرى تابىلعان 54 جاستاعى بيجانوۆ اۋىلىنىڭ تۇرعىنىن ۇستادى. سونىمەن قاتار ونىڭ اس ۇيىنەن قان ىزدەرى بار پىشاق تا تابىلدى. ۇستالعان ادام كىسى ولتىرگەنىن تولىق مويىندادى", دەيدى ەڭبەكشىقازاق اۋدانى پوليتسيا ءبولىمىنىڭ باستىعى تالعات سەيىلحانوۆ.
وقيعا بولعان ورىندى تەكسەرۋ بارىسىندا شەلەك پب تەرگەۋشىسى پوليتسيا كاپيتانى گ.اداكتيلوس كاسىبي شەبەرلىگىنىڭ ارقاسىندا گاراجداعى قۇرال-سايماندار مەن تاقتالاردىڭ استىنا جاسىرىلعان, جالپى سالماعى 2 كەلى 570 گرامم بولاتىن, ەسىرتكى زاتى بار پاكەتتەردى تاپتى. ساراپتاما قورىتىندىسى بويىنشا تابىلعان ەسىرتكى زاتى "ماريحۋانا" ەكەنى بەلگىلى بولدى. كۇدىكتىگە ادام ولتىرۋمەن بىرگە ەسىرتكىنى زاڭسىز ساقتادى دەگەن ايىپ تاعىلدى.
