تۇڭعىش پرەزيدەنت نۇرسۇلتان نازارباەۆتىڭ «ديپلوممەن – اۋىلعا!» باعدارلاماسى كوپتەگەن جاستاردىڭ باعىن اشتى. ماماندىقتارى بويىنشا جۇمىستارىنا ورنالاسىپ, مەملەكەت تاراپىنان كورسەتىلىپ وتىرعان قولداۋلارعا يە بولدى. ءسويتىپ, اجەپتاۋىر كوتەرىلىپ قالدى. رەتىنە قاراي كەيبىرەۋلەرى كرەديت الىپ, باسپانا دا ساتىپ الدى. كارى اكە-شەشەلەرىن قولدارىنا كوشىرىپ, ولاردى باعىپ-قاعىپ, پەرزەنتتىك پارىزدارىن وتەپ وتىرعاندارى دا بار.
تۇڭعىش پرەزيدەنت نۇرسۇلتان نازارباەۆتىڭ «ديپلوممەن – اۋىلعا!» باعدارلاماسى كوپتەگەن جاستاردىڭ باعىن اشتى. ماماندىقتارى بويىنشا جۇمىستارىنا ورنالاسىپ, مەملەكەت تاراپىنان كورسەتىلىپ وتىرعان قولداۋلارعا يە بولدى. ءسويتىپ, اجەپتاۋىر كوتەرىلىپ قالدى. رەتىنە قاراي كەيبىرەۋلەرى كرەديت الىپ, باسپانا دا ساتىپ الدى. كارى اكە-شەشەلەرىن قولدارىنا كوشىرىپ, ولاردى باعىپ-قاعىپ, پەرزەنتتىك پارىزدارىن وتەپ وتىرعاندارى دا بار.
الايدا, ەلباسى شاقىرۋىمەن اۋىلعا كەلىپ, مەملەكەت تاراپىنان كورسەتىلىپ وتىرعان قولداۋلارعا قولدارى جەتە الماي ءجۇرگەن جاس ماماندار دا اۋداندا بارشىلىق. ول, ارينە, ءسوزسىز جەرگىلىكتى باسشىلاردىڭ كىناسى. ويتكەنى, مەملەكەتىمىزدە قارجى جەتەدى. ول تۋرالى تاياۋدا عانا كەڭەس وتكىزگەن مەملەكەت باسشىسى «بيىلدىڭ وزىندە 157 ميلليارد تەڭگە يگەرىلمەي قالعالى تۇر», دەپ رەنجىپ ايتتى. ءتيىستى ورىندارعا ناقتى تاپسىرمالار بەردى.
بۇقارالىق اقپارات قۇرالدارىنان بەرىلگەن وسىنداي ماقالالاردى وقىپ, وبلىس اكىمدەرى مەن مينيسترلىكتەر تاراپىنان كەتىپ جاتقان كەمشىلىكتەرگە ەرىكسىز قىنجىلدىق.
ءبىزدىڭ اۋداندا «ديپلوممەن – اۋىلعا!» باعدارلاماسى بويىنشا اۋداندىق ەكونوميكا جانە بيۋدجەتتىك باعدارلامالار بولىمىنە 2012-2013 جىلى 107 جاس مامان كەلىپ تىركەلىپ, ءتيىستى قۇجاتتارىن وتكىزگەن ەكەن. ولاردىڭ تەك 40-ى عانا كوتەرمە اقشالارىن الىپتى. بۇل كەلگەندەردىڭ جارتىسىنا دا جەتپەيدى. قالعاندارىنا كوتەرمە اقى مەن ءۇي الۋلارىنا كرەديت بەرۋگە قاراجات جەتپەگەن ءتارىزدى. قازاقستان رەسپۋبليكاسى ۇكىمەتىنىڭ «ەگەمەن قازاقستان» گازەتىندە 2011 جىلى 13 ساۋىردە جاريالانعان №51 قاۋلىسىمەن بەكىتىلگەن «اۋىلدىق ەلدى مەكەندەرگە جۇمىس ىستەۋگە جانە تۇرۋعا كەلگەن دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت جانە سپورت ماماندارىنا الەۋمەتتىك قولداۋ شارالارىن ۇسىنۋ» مەملەكەتتىك قىزمەت ستاندارتتارىنا سايكەس قۇجاتتارىن تولىق وتكىزگەن جاس مامان 39 كۇننىڭ ىشىندە قولىنا كوتەرمە اقشالارىن الۋعا ءتيىستى بولاتىن. العاشقى جىلدارى سولاي بولدى دا. اۋىلعا كەلگەن جاس ماماندار, جوعارىدا ايتىلعانداي مەملەكەتتىك ستاندارتتاردا كورسەتىلگەن تالاپتارعا ساي كوتەرمە اقشالارى مەن تيەسىلى كرەديتتەرىن الىپ, ەڭسەلەرىن كوتەرىپ قالعان ەدى. قازىر بۇل ءىس قوجىراپ بارادى. وعان كىم كىنالى؟ ارينە, جەرگىلىكتى باسشىلار. ويتكەنى, جەرگىلىكتى جەرلەردە پرەزيدەنت تاپسىرمالارىن ءىس جۇزىنە اسىراتىن سولار.
مەملەكەتتىك قىزمەتتەگى پاتريوتتىقتى قازاقستان رەسپۋبليكاسىنىڭ كونستيتۋتسيالىق زاڭدارىن بۇلجىتپاي ورىنداۋ مەن ەلباسى تاپسىرمالارىن جۇزەگە اسىرۋدان ءبولىپ قاراۋعا بولمايدى. كىم ەلباسى پىكىرىمەن كەلىسپەيتىن بولسا, تاپسىرمالارىن ورىنداماسا, ول ءوز ەركىمەن قىزمەتتەن كەتۋگە ءتيىستى. بۇل مەملەكەتتىك قىزمەتتە ىستەيتىن ادامدار ءۇشىن جازىلماعان زاڭنىڭ ءبىر تارماعى بولۋى شارت.
حالىققا قىزمەت كورسەتۋ – ءۇلكەن مارتەبە. ال جاستارعا قولداۋ جاساۋ بولاشاقتىڭ ىرگەتاسىن قالاۋ دەسەك تە بولادى. تۇڭعىش پرەزيدەنت نۇرسۇلتان نازارباەۆتىڭ ءوزى مۇرىندىق بولىپ, باستاما كوتەرگەن كەزدە «بار اقشانى جوق» ەتىپ, جەرگە قاراپ وتىرعان كەيبىر شەنەۋنىكتەردىڭ ءىس-ارەكەتتەرى, ارينە, جانىڭدى اۋىرتادى.
مەملەكەتىمىزدە قاراجات بولا تۇرا, پرەزيدەنت تاپسىرماسى نەگە ورىندالمايدى؟
مارات قاشقىنباەۆ,
بالقاش اۋداندىق ءماسليحاتى
اپپاراتىنىڭ جەتەكشىسى.
الماتى وبلىسى,
بالقاش اۋدانى,
باقاناس اۋىلى.
