"ۆاكتسينا العان ادام اۋىرمايدى دەپ ايتا المايمىز. بىراق دەرتتى جەڭىل وتكەرۋى مۇمكىن. ءولىم كورسەتكىشىن دە وسى ارقىلى تومەندەتە الامىز. كوروناۆيرۋستا, تۇماۋدا ادامنىڭ تىنىس الۋ جولى زاقىمدانادى. قازىر ءبىز ءۇشىن ساقتىق شاراسى ماڭىزدى. قاراپايىم ەرەجەنى ۇستانۋىمىز قاجەت. سالاۋاتتى ءومىر سالتىنا دەن قويىپ, دارۋمەنى كوپ تاعامدى تۇتىنىڭىز. كوپشىلىك جەردە بەتپەردە كيىڭىز. قولدى ءجيى جۋ دا ماڭىزدى", دەدى وبلىستىق باس ينفەكتسيونيست دارىگەرى مەيرامبەك قۇرمانعازين.
ال وبلىستىق دەنساۋلىق ساقتاۋ باسقارماسىنىڭ ورىنباسارى بەكبولات ءىزباساروۆتىڭ ايتۋىنشا, بيىل 37 مىڭعا جۋىق بالاعا تۇماۋعا قارسى ۆاكتسينا بەرەدى. قازىرگى ۋاقىتتا 25 مىڭنان استام بالا ەگىلدى. بۇل 60 پايىز كورسەتكىشتى قۇراپ وتىر.
"ەكپە ءۇشىن جەرگىلىكتى بيۋدجەتتەن 60 ميلليون تەڭگە قارجى ءبولىندى. سونىمەن بىرگە ءار مەديتسينالىق مەكەمە ءوز قارجىسىنا ۆاكتسينا الىپ, تۇرعىندارعا اقىلى قىزمەت كورسەتىپ جاتىر. اقىسىز تۇردە 6 ايلىق بالالار, جۇكتى ايەلدەر مەن بالالار ءۇيىنىڭ تاربيەلەنۋشىلەرى, قارتتار ءۇيىنىڭ تۇرعىندارى مەن مەديتسينا قىزمەتكەرلەرىنە بەرىلەدى", دەيدى بەكبولات ءىزباساروۆ.
اقتوبەدە 72 مىڭنان استام ادام تۇماۋعا قارسى ۆاكتسينا الدى. قازىرگى 90 مىڭعا جۋىق دوزانىڭ 80 پايىزى بەرىلدى.
ەسكە سالا كەتەيىك, 15 قازانعا دەيىن تۇرعىنداردىڭ 10 پايىزى ەكپە الىپ بولۋى ءتيىس.
