كەشە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ شۆەيتساريا كونفەدەراتسياسى كانتوندار كەڭەسىنىڭ پرەزيدەنتى فيليپپو لومبارديدى قابىلدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
كەشە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ شۆەيتساريا كونفەدەراتسياسى كانتوندار كەڭەسىنىڭ پرەزيدەنتى فيليپپو لومبارديدى قابىلدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
كەزدەسۋ بارىسىندا ەكىجاقتى پارلامەنتارالىق قارىم-قاتىناستار, سونداي-اق, جاڭا تەحنولوگيا, ەنەرگەتيكا سالالارىنداعى ىنتىماقتاستىق پەن حالىقارالىق ۇيىمدار اياسىنداعى ءوزارا ىقپالداستىق جايى تالقىلاندى.
مەملەكەت باسشىسى بۇل ف.لومبارديدىڭ قازاقستانعا العاشقى ساپارى ەكەنىن, وعان ەلەۋلى ماڭىز بەرىلىپ وتىرعانىن جەتكىزدى.
– ءبىز بۇدان جيىرما جىل بۇرىن شۆەيتساريامەن ديپلوماتيالىق قارىم-قاتىناس ورناتتىق. ەلدەرىمىز اراسىندا جاقسى ساۋدا-ەكونوميكالىق ىنتىماقتاستىق ورنىققان, ءوزارا ينۆەستيتسيا ارتۋدا. بىزدە ەكىجاقتى ءوزارا ىقپالداستىقتىڭ جاعىمدى قارقىنىن جالعاستىرۋعا دەگەن مۇددەلىلىك بار, – دەدى نۇرسۇلتان نازارباەۆ.
سونداي-اق, قازاقستان پرەزيدەنتى مەملەكەتارالىق قارىم-قاتىناستاردى نىعايتۋعا قوماقتى ۇلەس قوساتىن پارلامەنتارالىق بايلانىستاردىڭ ماڭىزدىلىعىن اتاپ كورسەتتى.
شۆەيتساريانىڭ كانتوندار كەڭەسى پرەزيدەنتى تەك ساياسي جانە ساۋدا-ەكونوميكالىق ءوزارا ىقپالداستىقتى عانا دامىتىپ قويماي, وزگە دە سالالارداعى ىنتىماقتاستىقتى جانداندىرۋدىڭ ماڭىزدى ەكەنىنە توقتالدى.
– ءبىز باستى تاقىرىبى بولاشاقتىڭ ەنەرگياسى بولاتىن ەكسپو-2017 حالىقارالىق كورمەسىن وتكىزۋگە قولداۋ كورسەتەتىنىمىزدى جانە قازاقستاننىڭ بارلىق سالاداعى, سونىڭ ءىشىندە ەكونوميكاداعى, وڭىردە تۇراقتىلىق پەن بەيبىتشىلىكتى قولداۋداعى جەتىستىكتەرىنە دەگەن ءىلتيپاتىمىزدى بىلدىرگىمىز كەلەدى. بۇعان قوسا, قازاقستان 2010 جىلى ەقىۇ-عا تابىستى ءتوراعالىق ەتتى, ال شۆەيتساريا بۇل ۇيىم جەتەكشىلىگىن 2014 جىلى قولعا الادى, سوندىقتان ءبىز ءۇشىن قازاقستاننىڭ ءتاجىريبەسى پايدالى بولماق, – دەدى ف.لومباردي.
سۋرەتتى تۇسىرگەندەر
س.بوندارەنكو, ب.وتارباەۆ.
