ايماقتار • 08 قازان، 2020

اقتوبەدە كوپقاباتتى ۇيدەن ءورت شىقتى

13 رەت كورسەتىلدى

جىلۋ ماۋسىمى باستالعاندا، اقتوبە قالاسىنىڭ  شەتىندەگى باۋ-باقشا ۇجىمدارىنداعى ەسكى ۇيلەردە  كومىرمەن جاعىلاتىن پەشتەردىڭ جارامسىزدىعىنان تۇرعىنداردىڭ ىس ءتيىپ، ۋلانۋى ءجيى ورىن الادى. توتەنشە جاعدايلار باسقارماسىنىڭ ماماندارى  ءورت قاۋىپسىزدىگىنىڭ قاراپاي̆ىم ەرەجەلەرىن ساقتاۋعا شاقىرعانىمەن، جىل سايىن  باۋ-باقشا ۇجىمدارىندا اقاۋلى پەشتەردەن ءورت شىعىپ، نە ىس تيۋ جاعدايى  ۇنەمى قايتالانىپ جاتادى، دەپ حابارلايدى Egemen.kz.

بىرەر كۇن بۇرىن قالاداعى تەمىر قورىتپا زاۋىتى اۋماعىنداعى  №9 باۋ-باقشا  ۇجىمىنداعى  جەكە تۇرعىن ۇيدە  13 جانە 11 جاستاعى ەكى بالاعا اقاۋلى پەشتەن شىققان گازدان ۋلانىپ قالدى. وقيعا ءتۇن ىشىندە بولعان. ءبىر الاڭداتارلىعى، وسى كەزدە ۇيدە بالالار عانا بولعان، ولاردى ەستەن تانىپ جاتقان كۇيىندە   تۇنگى ساعات ەكىدە ۇيلەرىنە كەلگەن ەرەسەكتەر كورگەن.  جەدەل جاردەم ولاردى دەرەۋ وبلىستىق بالالار  اۋرۋحاناسىنا  جەتكىزدى. قازىر بالالاردىڭ جاعدايى جاقساردى.

وبلىستىق توتەنشە جاعدايلار  باسقارماسى  ماماندارى  جازدا   پەشتەردىڭ  جارىلعان، تەسىلگەن جەرلەرىن بىتەپ، مۇرجانى كۇي̆ەدەن تازارتىپ قويۋ كەرەكتىگىن باۋ-باقشا ۇجىمدارىنىڭ  تۇرعىندارىنا قانشا ەسكەرتكەنىمەن، كوپشىلىگى قۇلاق اسا بەرمەيدى.

6 قازاندا اقتوبەدەگى  بوكەنباي باتىر كوشەسىندەگى كوپقاباتتى ءۇيدىڭ ءۇشىنشى قاباتىندا ەلەكتر جەلىلەرىنىڭ تۇيىقتالۋى سەبەبىنەن ء ورت شىعىپ، جالىن لەزدە التىنشى قاباتقا دەيىن كوتەرىلدى.  شاقىرتۋعا جەدەل جەتكەن ءورت سوندىرۋشىلەر  ەڭ اۋەلى  پودەزدەن 25 ەرەسەك تۇرعىن مەن 15 بالانى  سىرتقا  شىعارىپ ۇلگەردى. قالاداعى مامانداندىرىلعان №2 ءورت ءسوندىرۋ ءبولىمىنىڭ ستارشيناسى اداي سەمبين ءورت كەزىندە  التىنشى قاباتتاعى پاتەرىنەن شىعا الماي قالعان  جۇكتى  كەلىنشەكتى جەدەل ساتىمەن الىپ شىقتى. تۇتىننەن ۋلاندى دەگەن كۇدىكپەن جەدەل جاردەم اۋرۋحاناسىنا جەتكىزىلگەن  جۇكتى ايەلدىڭ دەنساۋلىعىنا قاۋىپ جوق.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار