اتالعان ءىس-شاراعا پارلامەنت ءماجىلىسىنىڭ دەپۋتاتتارى قۋانىش سۇلتانوۆ, ەرسۇلتان بەكتۇرعانوۆ, ساپار احمەتوۆ, قازاقستان رەسپۋبليكاسىنىڭ تۇڭعىش سىرتقى ىستەر ءمينيسترى تولەۋتاي سۇلەيمەنوۆ, اكادەميك عاريفوللا ەسىم, قازاقستان رەسپۋبليكاسى تۇڭعىش پرەزيدەنتى قورى اتقارۋشى ديرەكتورىنىڭ ورىنباسارى يگور روگوۆ جانە ەلىمىزگە تانىمال تاعى باسقا قوعام قايراتكەرلەرى قاتىستى.
جينالعان قاۋىمعا بۇل رەتكى ۇيىمداستىرىلىپ وتىرعان عىلىمي كەڭەستىڭ ماڭىزى جايلى تانىستىرعان ەلباسى كىتاپحاناسىنىڭ ديرەكتورى ءامىرحان راحىمجانوۆتىڭ ايتۋىنشا, «بۇۇ باس اسسامبلەياسىنىڭ مەرەيتويلىق سەسسياسىندا قازاقستان رەسپۋبليكاسى تۇڭعىش پرەزيدەنتىنىڭ سويلەگەن ءسوزى جەر-جاھان كۇللى ادامزات قاۋىمداستىعىنا ەلىمىزدە جۇرگىزىلىپ وتىرعان ساياساتتىڭ بولاشاق ۇرپاققا دەگەن جاناشىرلىعىن دالەلدەپ, جالپىعا ورتاق جاۋاپكەرشىلىك ۇلگىسىن كورسەتتى. بۇل باياندامادا بەيبىتشىلىكتى جاقتاعان ەلىمىزدىڭ سىرتقى ساياسات پەن ىشكى بىرلىگى جاراسقان ۇلتارالىق, دىنارالىق قاۋىپسىزدىككە نەگىز بولاتىن مەملەكەت قۇرۋدىڭ ۇلگىسى ايتىلدى. سونىمەن قاتار بۇل بايانداما ۇلكەن مىنبەردەن قازاق تىلىندە ۇسىنىلعانىن ايتا كەتكەن ءجون. وسىلايشا الەم قاۋىمداستىعى بۇۇ مىنبەرىنەن قازاق ءتىلىن ەستىدى. ياعني نۇرسۇلتان ءابىش ۇلى ءوزىنىڭ انا تىلىندە الەمدى قاۋىپ-قاتەردىڭ سەبەپ-سالدارىنان قۇتقاراتىن ستراتەگيا ويلاستىرۋ ءححى عاسىرداعى ادامزاتتىڭ باستى مىندەتى ەكەنىن اتاپ ءوتتى. وسى ماقساتتا بۇۇ-نىڭ 100 جىلدىعىنا وراي دۇنيەجۇزىلىك ستراتەگيا باستاماسىنىڭ جوسپارىن (جاھاندىق ستراتەگيالىق باستاما-2045) دايىنداۋدى ۇسىندى. باستامالار قاتارىنا يادرولىق قارۋدان ازات الەمگە قول جەتكىزۋدىڭ جالپىعا ورتاق بۇۇ دەكلاراتسياسىن قابىلداۋ ۇسىنىسى كىردى. وسىلايشا, ەلباسى جاھاندىق سىن-قاتەردى ەڭسەرۋدىڭ جوسپارىن العا تارتا وتىرىپ, ونى قابىلداپ, جۇزەگە اسىرۋدىڭ مەزگىلى بۇۇ مەن ادامزاتقا بىردەي دامۋ كەزەڭىنىڭ ماڭىزدى شاعى بولارى ءسوزسىز».
سونداي-اق وتىرىسقا بەينەكونفەرەنتسيا ارقىلى قاتىسقان يگور روگوۆ مىرزا ءوز سوزىندە «بەس جىل بۇرىنعى باياندامانىڭ ماتىنىنە قاراپ, تاريحي وقيعالاردى بولجاي بىلگەن تۇڭعىش پرەزيدەنتتىڭ قىراعىلىعىنا تاڭعالاسىڭ. بەس جىل بۇرىن ەلباسىمىز جاھاندىق سىن-قاتەردى ەڭسەرۋ بويىنشا جالپىعا ورتاق جوسپار ازىرلەۋدى ۇسىنسا, بيىل الەمدى شارپىعان ىندەت بۇل ماسەلەنى تاعى دا كوتەرىپ وتىر. كۇللى ادامزاتتى الداعى ۋاقىتتا قانداي سىناقتاردىڭ كۇتىپ تۇرعانى بەلگىسىز. سوندىقتان مۇنداي جوسپاردى قابىلداپ, ىسكە اسىرۋ جەر-جاھان دامۋىنداعى جاڭا كەزەڭنىڭ باستاۋى بولماق», دەدى.
جيىن سوڭىندا عىلىمي كەڭەستىڭ شەشىمىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى, ساياسي عىلىمدار دوكتورى, پروفەسسور ماحمۇد قاسىمبەكوۆ قۇرمەتتى توراعا بولىپ سايلانسا, مۇشەلەرىنە قۋانىش سۇلتانوۆ, يگور روگوۆ, عاريفوللا ەسىم, تولەۋتاي سۇلەيمەنوۆ, ەرسۇلتان بەكتۇرعانوۆتار سايلاندى.
شارا سوڭىندا مەيماندار تۇڭعىش پرەزيدەنتتىڭ مۋزەي كەشەنىن ارالاپ, جادىگەرلەرمەن تانىستى. وسى ورايدا, مەملەكەت جانە قوعام قايراتكەرى قۋانىش سۇلتانوۆ نازارعا ۇسىنىلعان جادىگەرلەردىڭ – ۇلتىمىزدىڭ مادەني مۇراسى, حالقىمىزدىڭ رۋحاني قازىناسى ەكەنىن اتاپ ءوتتى. «ەل تاريحى شوعىرلانعان بۇل جەردەن تاۋەلسىز مەملەكەتىمىزدىڭ قالاي قۇرىلعانىن بىلۋگە بولادى. مۋزەيدە قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ وراسان ەڭبەگى كوپشىلىك نازارىنا زاماناۋي تەحنولوگيالاردىڭ كومەگىمەن ۇسىنىلعان. ەلباسىنىڭ مۇراسىن ەلىمىزدە دە, حالىقارالىق دەڭگەيدە دە ىلگەرىلەتۋ ماقساتىندا ويلاستىرىلعان جۇمىستارىڭىزعا تابىس تىلەيمىن», دەپ جىلى لەبىزىن ءبىلدىردى ق.سۇلتانوۆ.
