سەمەيدەگى وبلىستىق تاريحي-ولكەتانۋ مۇراجايى ورنالاسقان عيمارات ءحىح عاسىردىڭ ورتا كەزىندە سالىنعان جانە قالاداعى كورىكتى نىسانداردىڭ ءبىرى بولىپتى. مۇراجاي رەتىندە اشىلعان كەزدە بۇل جەردە كورمە زالى عانا بولعان ەكەن. 1983 جىلى اشىلعانىنا 100 جىل تولۋى قارساڭىندا ول جاڭا ەكسپوناتتارمەن تولىقتىرىلعان. «مۇراجاي قازىنالارى» دەپ اتالاتىن بولىمدە ساماۋرىننىڭ نەشە ءتۇرىن, ەسكى ساعاتتاردى, قىتاي فارفورىن, مۋزىكالىق اسپاپتاردى تاماشالاۋعا بولادى.
سەمەيدەگى وبلىستىق تاريحي-ولكەتانۋ مۇراجايى ورنالاسقان عيمارات ءحىح عاسىردىڭ ورتا كەزىندە سالىنعان جانە قالاداعى كورىكتى نىسانداردىڭ ءبىرى بولىپتى. مۇراجاي رەتىندە اشىلعان كەزدە بۇل جەردە كورمە زالى عانا بولعان ەكەن. 1983 جىلى اشىلعانىنا 100 جىل تولۋى قارساڭىندا ول جاڭا ەكسپوناتتارمەن تولىقتىرىلعان. «مۇراجاي قازىنالارى» دەپ اتالاتىن بولىمدە ساماۋرىننىڭ نەشە ءتۇرىن, ەسكى ساعاتتاردى, قىتاي فارفورىن, مۋزىكالىق اسپاپتاردى تاماشالاۋعا بولادى.مۇندا «الاش» قوزعالىسىنىڭ مۇشەسى تەمىرعالي نۇرەكەنوۆتەن قالعان ەر-توقىم بار. مۇراجايعا كەلۋشىلەر اكادەميك قانىش ءساتباەۆتىڭ, جازۋشى ءسادۋ ماشاقوۆتىڭ, ءشاكەر ابەنوۆ, بيبىگۇل تولەگەنوۆا, كۇلاش ساكيەۆانىڭ, بولات سىبانوۆ, جانىبەك كارمەنوۆتىڭ جەكە دۇنيەلەرى مەن قولدانعان زاتتارىن كورە الادى. سونداي-اق, تۇركىسىب تەمىر جولى پاراۆوزىنىڭ العاشقى ماكەتى دە وسىندا ساقتاۋلى. بۇگىندە مۇراجايدا
106 مىڭ ەكسپونات 22 تاقىرىپ بويىنشا ىرىكتەلىپ, كورەرمەن نازارىنا ۇسىنىلعان.
اباي تەاترىندا وتكەن جيىندا مۇراجاي ديرەكتورى بەكەن تەمىروۆكە وبلىس اكىمى بەردىبەك ساپارباەۆتىڭ العىس حاتى تابىستالدى.
– قازىر تاريحقا ورالعان, وتكەندى پاراقتاعان ۋاقىت, – دەدى بەكەن تەمىروۆ, – مەملەكەتتىك باعدارلاما اياسىندا ءبىزدىڭ ۇجىم ەل يگىلىگى ءۇشىن ەڭبەك ەتەتىن بولادى. بۇگىنگى اسۋ ءبىز ءۇشىن قيماس ءبىر بەلەس.
– ءبىزدىڭ قالادا ماقتان ەتەرلىك دۇنيە كوپ, – دەدى جازۋشى مەدەۋ سارسەكە. – بۇل مۇحتار اۋەزوۆ وقىعان پەداگوگيكالىق كوللەدج, اباي, دوستوەۆسكي مۇراجايلارى, وسى تاريحي ولكەتانۋ مۇراجايى. وسىنداي رۋحاني بايلىقتى يەلەنە وتىرىپ, ءبىز ولاردى كەيدە باعالاي دا بەرمەيمىز.
كەشتە مۇراجاي تاريحىنا ارنالعان دەرەكتى فيلم مەن سۋرەت البومىنىڭ تۇساۋى كەسىلدى. مۇراجاي قىزمەتكەرلەرىنە قالا اكىمىنىڭ ماراپاتتارى تابىس ەتىلدى.
راۋشان نۇعمانبەكوۆا.
سەمەي.
سۋرەتتەردى تۇسىرگەن اۆتور.
