وتكەن اي بويىنشا جالپى تولەمدەر سوماسى 10 ملرد تەڭگەدەن اسادى. بۇل تۋرالى ورتالىق كوممۋنيكاتسيالار قىزمەتى ورتالىعى الاڭىندا الەۋمەتتىك مەديتسينالىق ساقتاندىرۋ قورىنىڭ باسقارما توراعاسى بولات توكەجانوۆ كەڭىنەن ايتىپ بەردى.
«قازىرگى ۋاقىتتا ۇستەمەاقى الۋشىلاردىڭ ءتىزىمىن قالىپتاستىرۋ بويىنشا وڭىرلىك كوميسسيالاردىڭ جۇمىسى جۇرگىزىلۋدە. تىزىمدەردى ۇسىنعاننان كەيىن قور اي سايىنعى قوسىمشا اقىلاردى تولەۋگە كىرىسەدى. ءبىز بۇل جۇمىستى ادەتتەگىدەي 20 كۇنگە دەيىن اياقتاۋدى جوسپارلاپ وتىرمىز», دەدى ب.توكەجانوۆ.
قاۋىپتى جاعدايدا جۇمىس ىستەۋگە تارتىلعان مەديتسينا قىزمەتكەرلەرىنىڭ سانى ەپيدەميالىق جاعدايعا بايلانىستى اي سايىن وزگەرىپ وتىرادى. ەگەر ناۋرىز ايىندا بۇل جۇمىستارعا 19 مىڭ مەديتسينا قىزمەتكەرى تارتىلسا, شىلدە ايىندا ولاردىڭ سانى 79 مىڭعا جەتتى. ناقتىراق ايتساق, ناۋرىزدا 19 340 مەديتسينا قىزمەتكەرى – 3,4 ملرد تەڭگە, ساۋىردە 42 926 – 7,6 ملرد تەڭگە, مامىردا 40 416 – 8,7 ملرد تەڭگە, ماۋسىمدا 53 160 – 12,3 ملرد تەڭگە, شىلدەدە 78 963 – 24,9 ملرد تەڭگە, تامىزدا 66 249 مامان 16,8 ملرد تەڭگە مولشەرىندە قوسىمشا تولەم الدى.
«مەملەكەت باسشىسى حالىققا جولداۋىندا دەنساۋلىق ساقتاۋ ۇيىمدارىنىڭ قىزمەتكەرلەرىنە وسى جىلدىڭ ەكىنشى جارتىجىلدىعىنا ىنتالاندىرۋ ۇستەمەاقىلارىن تولەۋگە 150 ملرد تەڭگە ءبولۋدى تاپسىردى. وسى تاپسىرمانى ورىنداۋ ءۇشىن قور جىل سوڭىنا دەيىن مەديتسينا قىزمەتكەرلەرىنە ۇستەمەاقى تولەۋ ءۇشىن قارجىلاندىرۋ قاجەتتىگىنە بولجامدىق ەسەپتەۋلەر جۇرگىزدى. قاجەتتى قارجى شامامەن 135 ملرد تەڭگەنى قۇرايدى. قور پاندەميانىڭ كۇردەلى جاعدايىندا الدىڭعى قاتاردا تۇرعان ارىپتەستەرىمىزگە ۇستەمەاقىنى ۋاقتىلى جانە جەدەل تولەۋ بويىنشا ءوز جۇمىسىن جالعاستىرادى», دەدى قور باسشىسى.
سونىمەن قاتار كۆي جۇقتىرعان مەديتسينا قىزمەتكەرلەرىنىڭ 81%-ى, ياعني 4 550 ادام وتەماقى العان ەكەن. مۇنداي دەرەكتى دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانعازيەۆ كەلتىردى.
12 830 مەديتسينا قىزمەتكەرى COVID-19 جانە پنەۆمونيامەن اۋىرسا, ونىڭ ىشىندە 8 442 مامان ىندەتتى جۇمىستا ءجۇرىپ جۇقتىرعان. وڭىرلىك كوميسسيالار ءولىم جاعدايلارى بويىنشا 182 ءوتىنىمنىڭ 82 جاعدايىن قارادى. جالپى, وتەماقىنى 45 وتباسى نەمەسە ەڭبەك مينيسترلىگى مەن دەنساۋلىق ساقتاۋ مينيسترلىگى راستاعان وتىنىشتەردىڭ 82%-ى الدى.
وتىنىشتەردى قاراۋدى جەدەلدەتۋ ماقساتىندا دەنساۋلىق ساقتاۋ مينيسترلىگى جۇمىس توبىن قۇردى. ونىڭ مۇشەلەرى ونلاين رەجىمدە قابىلدانباعان وتىنىمدەردىڭ ءاربىر فاكتىسىن قارادى, سەبەپتەرىن, بۇزۋشىلىقتاردى ءتۇسىندى. ناتيجەسىندە, قابىلدانباعان وتىنىمدەر سانى 2 ەسە ازايدى. كۇن سايىن دەرەكتەر جاڭارتىلادى.
