ۇكىمەت • 07 قازان، 2020

ا.مامين رەسەي ۇكىمەتىنىڭ توراعاسى م.ميشۋستينمەن كەلىسسوز جۇرگىزدى

22 رەت كورسەتىلدى

پرەمەر-مينيستر اسقار مامين ماسكەۋ قالاسىنا جۇمىس ساپارى اياسىندا رەسەي فەدەراتسياسى ۇكىمەتىنىڭ توراعاسى ميحايل ميشۋستينمەن كەلىسسوز جۇرگىزدى، دەپ حابارلايدى Egemen.kz

تاراپتار ساۋدا-ەكونوميكالىق، قارجى-ينۆەستيتسيالىق، ەنەرگەتيكا سالالارىنداعى، سونداي-اق ونەركاسىپتىك كووپەراتسياداعى ەكىجاقتى ىنتىماقتاستىقتى ودان ءارى ارتتىرۋ ماسەلەسىن تالقىلادى.

ەۋرازيالىق ەكونوميكالىق وداق فورماتىنداعى ءوزارا ءىس-قيمىلدىڭ وزەكتى ماسەلەلەرى قارالدى.  COVID-19 ىندەتىنىڭ تارالۋىنا قارسى كۇرەس جانە ەكى ەلدىڭ ەكونوميكاسى ءۇشىن پاندەميانىڭ سالدارىن جويۋ جونىندەگى بىرلەسكەن شارالارعا ەرەكشە كوڭىل ءبولىندى.

سونىمەن قاتار ماسكەۋ قالاسىنا ساپار بارىسىندا قر پرەمەر-ءمينيسترى ا.مامين رەسەيدىڭ ورتالىق مەملەكەتتىك ورگاندارىنىڭ، مەملەكەتتىك كورپوراتسيالارى مەن قارجى-بانك قۇرىلىمدارىنىڭ باسشىلىعىمەن كەزدەسۋلەرى جوسپارلانعان.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار