ايماقتار • 07 قازان، 2020

قىزىلوردادا جول جوندەۋ جۇمىستارى قارقىندى جۇرۋدە

47 رەت كورسەتىلدى

بيىل قىزىلوردا قالاسىندا "جۇمىسپەن قامتۋدىڭ 2020-2021 جىلدارعا ارنالعان جول كارتاسى" باعدارلاماسى اياسىندا رەسپۋبليكالىق بيۋدجەتتەن ۇزىندىعى 75،9 شاقىرىم بولاتىن 109 كوشەنى جانە ەكى ەلدىمەكەنگە كىرە بەرىستەگى 3،3 شاقىرىمدىق جولدى جوندەۋگە قارجى بولىنگەن. قازىر جەتپىستەن استام كوشەدە جوندەۋ جۇمىستارى اياقتالىپ، قالعاندارىندا قۇرىلىس-مونتاج جۇمىستارى جۇرگىزىلۋدە، دەپ حابارلايدى Egemen.kz

قالا باسشىلىعى جىل سايىن كۇز بەن كوكتەمگى لايساڭدا قينالىپ قالاتىن تۇرعىنداردىڭ وبلىس ورتالىعىندا تروتۋارلاردى كوپتەپ سالۋ جونىندەگى وتىنىشتەرىنە وراي قولدان كەلگەنشە قارەكەت جاسايتىن. بيىل بۇل ماسەلە دە شەشىمىن تاپتى. باعدارلاما شەڭبەرىندە قالاداعى جالپى ۇزىندىعى 102 شاقىرىم بولاتىن 68 كوشەگە جاياۋ جۇرگىنشىلەر جولىن سالۋعا رەسپۋبليكالىق جانە جەرگىلىكتى بيۋدجەتتەن  قاراجات ءبولىنىپ، قىرۋار جۇمىس ىستەلدى.

باق وكىلدەرىن باعدارلاما اياسىنداعى جۇمىستارمەن تانىستىرۋ ماقستىندا قالالىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى، اۆتوموبيل جولدارى جانە تۇرعىن ءۇي ينسپەكتسياسى ءبولىمى ءباسپاسوز تۋرىن ۇيىمداستىردى. وبلىس ورتالىعىنداعى بەيبارىس سۇلتان كوشەسىندەگى تروتۋارلاردى  "ينجەنەرنىە يزىسكانيا ي ك" سەرىكتەستىگى سالىپتى. ۇزىندىعى 4 شاقىرىمنان اساتىن جاياۋ جۇرگىنشىلەر جولى قۇرىلىسى جازدا باستالىپ، وسىدان ونشاقتى كۇن بۇرىن اياقتالعان. قازىر جۇمىسشىلار اينالاسىن تازارتىپ جاتىر.

تروتۋاردى سالۋ كەزىندە سەرىكتەستىك باسشىلىعى باستاما كوتەرىپ، بىرنەشە جەرگە باسپالداقتار، مۇمكىندىگى شەكتەۋلى ازاماتتار ءۇشىن پاندۋستار ورناتتى. ايالدامالارعا اپاراتىن اياق جولداردى دا تەگىن سالىپ بەردى. كومپانيانىڭ مۇنداي قايىرىمدىلىعىنا ونشاقتى جىلدان بەرى جول ازابىن تارتىپ كەلگەن تۇرعىنداردىڭ ايتار العىسى شەكسىز، – دەيدى قالالىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى، اۆتوموبيل جولدارى جانە تۇرعىن ءۇي ينسپەكتسياسى ءبولىمىنىڭ باسشىسى ءبىرجان دالاباەۆ.

جۇمىس ساپاسىن اككرەديتاتسيادان وتكەن لابوراتوريا ماماندارى تەكسەرەدى. بيىلدىڭ وزىندە جۇمىسى بىتكەن 6 كوشەدەن كەمشىلىك انىقتالىپ، ول مەردىگەر كومپانيالار ەسەبىنەن جوندەلدى. ءبولىم باسشىسى تۇرعىندار تاراپىنان جاسالعان تروتۋارلاردى بۇزۋ دەرەكتەرى دە كەزدەسىپ قالاتىنىن جاسىرمادى. اسىرەسە، ۇيلەر سالىنىپ جاتقان اۋماقتاردا جاياۋلارعا ارنالعان جولدى اۋىر جۇك كولىكتەرىمەن كەسىپ ءوتۋ وقيعالارى كوپ كەزدەسۋدە. وسىعان بايلانىستى ءبىراز تۇرعىنننىڭ ۇستىنەن مەردىگەرلەر قالالىق ىشكى ىستەر باسقارماسىنا ارىزدانىپتى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار