ماڭعىستاۋدا ەپيدەميالىق احۋال تۇراقتى

ايماقتار • 07 قازان، 2020

ماڭعىستاۋدا ەپيدەميالىق احۋال تۇراقتى

22 رەت كورسەتىلدى

بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىندا وتكەن بريفينگتە وبلىستىق تاۋارلار مەن كورسەتىلەتىن قىزمەتتەردىڭ قاۋىپسىزدىگىن باقىلاۋ دەپارتامەنتىنىڭ باسشىسى عازيز نادۋەۆ ءمالىم ەتتى، دەپ حابارلايدى Egemen.kz

گۇلايىم ءداۋىتباي

وبلىستىق دەنساۋلىق ساقتاۋ باسقارماسىنان كەلىپ تۇسكەن اقپاراتقا سايكەس، وتكەن تاۋلىكتە (6 قازان) 14 ناۋقاس وبلىستاعى پروۆيزورلىق اۋرۋحانالارعا تۇسكەن. ونىڭ ىشىندە پنەۆمونيا (U.07.2) ناقتاماسىمەن تۇسكەن ناۋقاستار سانى 9. ەمدەلىپ شىققان ناۋقاستار سانى 6. ماڭعىستاۋ وبلىسىنىڭ اۋماعىندا 2020 جىلدىڭ 27 ناۋرىزى مەن 7 قازان ارالىعىندا 3343 COVID-19 جاعدايى تىركەلدى. ونىڭ ىشىندە 1141 شاعىمى بار، 2202 شاعىمسىز ناۋقاس انىقتالدى. اقتاۋدا – 467، جاڭاوزەندە - 157، تۇپقاراعاندا – 38، قاراقيادا – 75، ماڭعىستاۋدا – 41، مۇنايلىدا – 165، بەينەۋدە 198 شاعىمى بار ناۋقاس تىركەلدى. كوروناۆيرۋس ينفەكتسياسىن سىرتتان اكەلگەندەر – 6، جەرگىلىكتى – 864، قارىم-قاتىناستا بولعاندار – 271 جاعداي. كوروناۆيرۋس ينفەكتسياسىنان قايتىس بولعاندار – 72 ناۋقاس، ەمدەلىپ شىققاندار 3267.

وبلىستا 2020 جىلدىڭ 07 قازانىنا پتر تاسىلىمەن مەملەكەتتىك جانە جەكە مەنشىك زەرتحانالاردا (بارلىعى – 5) 120 756 ادام تەكسەرىلىپ، ونىڭ 3343 وڭ ناتيجە بەردى. ۇلتتىق ساراپتاما ورتالىعىنىڭ وڭىردەگى فيليالىندا بۇگىنگى تاڭدا 12611 تەست سىناماسى بار.

"وبلىستا 23 مونيتورينگ توبى قۇرىلىپ، 1431 رەيدتىك تەكسەرۋلەر جۇرگىزىلدى. 285 نىساندا بۇزۋشىلىقتار انىقتالىپ، ونىڭ 285 تۇسىنىك جۇمىستارى جۇرگىزىلدى. 58 نىسانعا ارنايى تەكسەرۋ جۇرگىزىلىپ، كورىتىندىسى بويىنشا 116 اكىمشىلىك حاتتامالار تولتىرىلدى. وبلىستىق دەنساۋلىق ساقتاۋ باسقارماسىنان كەلىپ تۇسكەن اقپاراتقا سايكەس، وتكەن تاۋلىكتە 14 ناۋقاس وبلىستاعى پروۆيزورلىق اۋرۋحانالارعا تۇسكەن. 6 ناۋقاس ەمدەلىپ شىقتى"، دەدى مو تاۋارلار مەن كورسەتىلەتىن قىزمەتتەردىڭ قاۋىپسىزدىگىن باقىلاۋ دەپارتامەنتىنىڭ باسشىسى عازيز نادۋەۆ.

ايتا كەتەيىك، 17-ءشى تامىزدان باستاپ كەزەڭ كەزەڭىمەن قوعامدىق تاماقتانۋ ورىندارىنىڭ اشىلۋىنا بايلانىستى، 5708 نىسان جۇمىسىن قايتا باستادى. ينفوقازاقستان جۇيەسى بويىنشا 4730 ەلەكتروندى حابارلاما، 978 جازباشا ارىز كەلىپ ءتۇستى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز