بۇل تۋرالى ونلاين ءباسپاسوز قىزمەتىندە پاۆلودار وبلىسى بويىنشا تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى باتىربەك اليەۆ ءمالىم ەتتى.
"3 قازان كۇنى پاۆلودار قالاسىنداعى مەكتەپتەردىڭ بىرىندە 2-سىنىپ وقۋشىسىنان كۆي انىقتالدى. ول سوڭعى رەت 30 قىركۇيەك كۇنى ساباققا بارعان. دارىگەرلەرگە ءوزى جۇگىندى. ول بالامەن 17 ادام بايلانىستا بولعان. ونىڭ ىشىندە سىنىپتاعى 14 وقۋشى بار. قالعانى – ساباق بەرگەن مۇعالىمدەرى. قازىر ءبارى تەكسەرىلۋدە. بايلانىستا بولعاندار ءۇي كارانتينىندە. اتالعان سىنىپ قاشىقتىقتان وقۋعا اۋىستى", دەدى باتىربەك اليەۆ.
وقۋ جىلى باستالعاننان بەرى وڭىردە 12 وقۋشىدان كوروناۆيرۋس انىقتالعان. شارباقتى اۋدانىندا – 5, اقسۋدا – 1, پاۆلودار قالاسىندا – 6 وقۋشى ىندەتتى جۇقتىرعان.
"وبلىسىمىزدا 356 مەكتەپ بار. 110 مەكتەپ مونيتورينگ بويىنشا تەكسەرىلدى. 2 مەكتەپ تالاپتاردى بۇزعان. قالعان مەكتەپتەرگە تەكسەرىلۋ جۇرگىزىلۋدە", دەدى دەپارتامەنت باسشىسى.
ال, وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ساۋلە ارىستانوۆا وڭىردەگى بارلىق اۋرۋحانالاردىڭ ىندەتتىڭ 2-تولقىنىنا دايىندىعى تەكسەرىلىپ جاتقانىن اتاپ ءوتتى.
"بۇگىندە وبلىسىمىزدا 210 وكپەنى جاساندى جەلدەتۋ قۇرىلعىسى بار. تاعى 142 قۇرىلعىنى ساتىپ الۋدامىز. جالپى بۇنداي 352 قۇرىلعى بولادى. ناۋرىز ايىندا بۇدان 2 ەسە از بولعان ەدى. سونداي-اق 535 وتتەگى بەرەتىن, 749 وتتەگى كونتسەنتراتى بار. قازىرگى ۋاقىتتا 1334 توسەكتى وتتەكپەن قامتۋ جوسپارلانعان. ىندەتتىڭ 2-تولقىنىنا دايىندىق بارىسىندا 166 ءموبيلدى توپتار جاساقتالدى. توپ قۇرامىنا قاجەتتى ماماندار كىرەدى", دەدى ساۋلە ارىستانوۆا.
باسقارما باسشىسىنىڭ ايتۋىنشا, پاۆلوداردا بوي كوتەرىپ جاتقان جىلدام ارەكەت ەتۋگە ارنالعان جاڭا ءمودۋلدى ينفەكتسيالىق گوسپيتال قاراشا-جەلتوقسان ايلارىندا دايىن بولۋى ءتيىس.
ايتا كەتەيىك, وسى ۋاقىتقا دەيىن پاۆلودار وبلىسىندا 3955 ادامنان كوروناۆيرۋس انىقتالعان. 3777 ادام ىندەتتەن جازىلىپ شىقتى. بۇگىندە 282 ادام ستاتسيونارلاردا جاتىر. 12 ادامنان ناقتى كوروناۆيرۋس انىقتالسا, 229 ادام كۇدىكپەن جاتقىزىلعان. ال, 41 ادام تىنىس الۋ ورگاندارىنداعى اۋرۋعا قاتىستى جاتىر.
