150 شاقىرىمعا سوزىلعان ءۇشىنشى كەزەڭدە فۋلسانگ مارە سىزىعىن بەسىنشى كەسىپ, ءۇشىنشى جارىس كۇنىنىڭ جەڭىمپازى اتانعان حوناتان كايسەدودان (EF Pro Cycling) 51 سەكۋندقا قالىپ قويدى. وسى ناتيجەسىنەن كەيىن دانيالىق ۆەلوشاباندوز ۇزدىك 10 سپورتشىنىڭ قاتارىنا قوسىلىپ, جالپى ەسەپتە توعىزىنشى ورىنعا تۇراقتادى.
ايتا كەتەيىك, يتاليادا باستالعان ۆەلوكوپكۇندىك قازاقستاندىق كوماندا ءۇشىن ءساتتى باستالا قويعان جوق. ءبىرىنشى كەزەڭدە جۋىردا عانا فرانتسيادا مارەسىنە جەتكەن «تۋر دە فرانس» جارىسىندا ءتاۋىر ناتيجە كورسەتكەن ميگەل انحەل لوپەس جاراقات الىپ, تۋرنيردەن شىعىپ قالدى. سودان كەيىن اسقازان جاراسىنا بايلانىستى «استانانىڭ» رەسەيلىك ۆەلوشاباندوزى الەكساندر ۆلاسوۆ تا جارىستى سوڭىنا دەيىن جالعاستىرا المادى.
