اتالعان كونسورتسيۋمعا اگروونەركاسىپ تاۋارلارىن وندىرۋشىلەر مەن ساۋدا جۇيەسىنىڭ قاتىسۋشىلارى كىرەدى.
ءبىرىنشى كتو پاۆلودار وبلىسىنىڭ ميچۋرينو اۋىلىندا جانە اقسۋ قالاسىندا, الماتى وبلىسىنىڭ قاپشاعاي قالاسىندا, جامبىل وبلىسىنىڭ شۋ قالاسىندا, سونداي-اق نۇر-سۇلتان, شىمكەنت جانە الماتى قالالارىندا سالىنادى.
جالپى, قۇرىلاتىن ۇلتتىق تاۋار وتكىزۋ جۇيەسى 24 كوتەرمە-تاراتۋ ورتالىعىنان تۇراتىن بولادى.
ء«بىرىنشى كەزەڭدە 7 وبەكتىنىڭ قۇرىلىسى ۇسىنىلادى: 4 كوتەرمە-تاراتۋ ورتالىعى (ساقتاۋ) جانە 3 كوتەرمە-تاراتۋ ورتالىعى ء(بولۋ), باستاماشىلىق ەتۋ مەرزىمى 2020 جىلدىڭ 5 قازانى, ەكىنشى كەزەڭدە – 7 نىسان (2021 جىلدىڭ كوكتەمى), ءۇشىنشى كەزەڭدە – 10 نىسان (2021 جىلدىڭ كۇزى)», دەپ مالىمدەدى ب.سۇلتانوۆ.
ۇلتتىق تاۋار وتكىزۋ جۇيەسىنىڭ بارلىق مودەلىن جەكە قارجىلىق باستاما ارقىلى مەملەكەت-جەكەمەنشىك ارىپتەستىگى قاعيداتتارىندا ىسكە اسىرۋ كوزدەلەدى. ەلىمىزدە قۇرىلاتىن ۇلتتىق تاۋار وتكىزۋ جۇيەسىنىڭ ينفراقۇرىلىمى 2,1 ملن توننادان استام تاۋارلاردى قابىلداۋدى, ساقتاۋدى جانە اۋىستىرىپ تيەۋدى قامتاماسىز ەتۋگە جانە 5 مىڭ ادامعا جۇمىس ورىندارىن قۇرۋعا مۇمكىندىك بەرەدى. كوتەرمە-تاراتۋ ورتالىقتارىنىڭ نومەنكلاتۋراسى 20 مىڭنان استام ءونىم اتاۋىن قۇرايدى.
ساۋدا جانە ينتەگراتسيا مينيسترلىگىنىڭ جوسپارلارى بويىنشا ۇلتتىق تاۋار وتكىزۋ جۇيەسى فەرمەرلەردى, ساتىپ الۋشىلاردى, كولىك قىزمەتكەرلەرىن, وتكىزۋشىلەردى جانە تۇتىنۋشىلاردى بىرىكتىرۋ كەرەك.
«ۇلتتىق تاۋار وتكىزۋ جۇيەسى وندىرۋشىلەردىڭ وتكىزۋ نارىقتارىنا «القاپتان» «سورەگە» دەيىن, ال تۇتىنۋشىلاردىڭ ساپالى ونىمگە ەركىن قول جەتكىزۋىن قامتاماسىز ەتەدى», دەدى ساۋدا جانە ينتەگراتسيا ءمينيسترى.
ۇتج قۇرۋ شەڭبەرىندە ءۇش ۇلگىدەگى كوتەرمە-تاراتۋ ورتالىقتارىنىڭ بىرىڭعاي جەلىسى قۇرىلاتىن بولادى:
- ساقتاۋ ء(وندىرىس اۋداندارىندا, قابىلداۋ, ساقتاۋ جانە باستاپقى وڭدەۋ بويىنشا قىزمەتتەر كورسەتىلەتىن بولادى);
- ساۋدا (وبلىس ورتالىقتارى مەن ءىرى قالالاردىڭ قالا ماڭىندا ديستريبيۋتورلارعا, دۇكەندەرگە جانە قوعامدىق تاماقتانۋ ورىندارىنا وتكىزۋ, پىسىقتاۋ جانە ت.ب. كەزەڭدە ساقتاۋ ينفراقۇرىلىمىنا قولجەتىمدىلىكتى قامتاماسىز ەتەدى);
- ءبولۋ (قالالار شەگىندە نەمەسە قالا ماڭىندا. ساۋدا وبەكتىلەرىنىڭ قاجەتتىلىكتەرى ءۇشىن ءونىمنىڭ كوتەرمە پارتيالارىن ۋاقىتشا ساقتاۋ جانە اۋىستىرىپ تيەۋ بويىنشا لوگيستيكالىق قىزمەتتەر كورسەتەتىن بولادى).
