اسحات ايماعامبەتوۆتىڭ ايتۋىنشا, مەملەكەت باسشىسى قاسىم-جومارت توقاەۆ مامىر ايىندا ۇلتتىق قوعامدىق سەنىم كەڭەسىنىڭ وتىرىسىندا وقىتۋشىلاردىڭ جالاقىسىن كوتەرۋ بويىنشا ناقتى تاپسىرما بەرگەنىن جانە بۇل تاپسىرما بويىنشا ناقتى قارجىمەن بەكىتىلگەنىن اتاپ ءوتتى.
"جان باسىنا قارجىلاندىرۋ ادىستەمەسى بار. سول ادىستەمەگە وزگەرىس ەنگىزەتىن بولامىز. تاپسىرما بەردىم. ادىستەمەگە ء"بىلىم جانە عىلىم مينيسترلىگىنە قاراستى ۆەدومستۆولىق ۋنيۆەرسيتەتتەر جان باسىنا قارجىلاندىرۋعا بەرىلگەن قاراجاتتىڭ كەم دەگەندە 50 پايىزىن جالاقىعا جۇمساۋ كەرەك" دەگەن نورما ەنگىزىپ جاتىرمىز. ويتكەنى ءبىلىم ساپاسىن كوتەرەمىز دەسەك, وندا ونىڭ ەڭ باستى شارتى – وقىتۋشىلاردىڭ جالاقىسى. سوندىقتان بۇل ماسەلە ءارى قاراي دا ءبىزدىڭ دەربەس باقىلاۋىمىزدا بولادى", دەدى اسحات ايماعامبەتوۆ.
سونداي-اق مينيستر پەداگوگيكالىق ماماندىقتا وقيتىن ستۋدەنتتەردىڭ شاكىرتاقىسىن كوتەرۋ مەن شەكتى باللدى كوتەرۋ جانە دوكتورانتتاردىڭ شاكىرتاقىسىن ارتتىرۋ تاپسىرماسى ناتيجەلى ورىندالعانىن تىلگە تيەك ەتتى.
2019 جىلدىڭ تامىزىمەن سالىستىرعاندا قازىرگى ۋاقىتتا وقىتۋشىلاردىڭ جالاقىسى 40-50 پايىزعا وسكەن ەكەن.
