ەڭ الدىمەن اماندىق باتالوۆ "اۋىل – ەل بەسىگى" باعدارلاماسى اياسىندا جۇرگىزىلگەن ەسكەلدى اۋدانى, قارابۇلاق اۋىلىنداعى ورتالىق اۋرۋحانا عيماراتىنىڭ كۇردەلى جوندەۋ جۇمىستارىنىڭ اياقتالۋىمەن تانىستى.
نىساننىڭ جالپى دايىندىعى 90 پايىزدى قۇرايدى. ونىڭ ىشىندە: اۋرۋحانا عيماراتى – 95 %, كىر جۋ – 85%, قوعامدىق تاماقتاندىرۋ ءبولىمى – 100%, قورشاۋ – 90%, اباتتاندىرۋ – 70% جۇمىس جۇيەلەنگەن. وسى ايدىڭ سوڭىندا جوندەۋ جۇمىستارىن اياقتاۋ جوسپارلانىپ وتىر. اۋرۋحانا اۋماعىن اباتتاندىرۋ جۇمىسى اياقتالۋعا جاقىن. 120 كەرەۋەت, وتتەگى كونتسەنتراتورلارى, جەلدەتكىشتەر ساتىپ الىندى. قۇرىلىس جۇمىستارىن «Taraz Krylys design» جشس كونسورتسيۋمى جۇزەگە اسىردى. قۇرىلىسقا 87 ادام مەن 5 تەحنيكا جۇمىلدىرىلعان. جۇرگىزىلىپ جاتقان جۇمىستاردىڭ جالپى قۇنى 1019,3 ميلليون تەڭگەنى قۇرايدى.
مەردىگەرلىك ۇيىمنىڭ اتقارۋشى ديرەكتورى اسان ايتكۇلبەكتىڭ ايتۋىنشا, قابىرعالاردىڭ قاڭقاسى تولىعىمەن جاڭارتىلدى, سەيسميكالىق كۇشەيتۋ جۇمىستارى جۇرگىزىلدى, ىشكى جانە سىرتقى ارلەۋ جۇمىستارى جۇرگىزىلدى, جاڭا ينجەنەرلىك جەلىلەر دە تارتىلدى, وقشاۋلاۋ جانە شاتىردى اۋىستىرۋ جۇمىستارى جاسالدى. اباتتاندىرۋ جۇمىستارى جۇرگىزىلۋدە.
"كوگالداندىرۋ جۇمىستارى مۇقيات جۇرگىزىلۋى كەرەك, ءبىر دەتالدى دا نازاردان تىس قالدىرماڭىزدار. اۋرۋحانانىڭ بارلىعىندا پاتسيەنتتەر ءۇشىن قولايلى جاعدايلار جاسالۋى كەرەك", – دەپ اتاپ ءوتتى ا. باتالوۆ.
بەلگىلى بولعانداي, مۇمكىن كوروناۆيرۋستىڭ ەكىنشى تولقىنىنا دايىندىق كەزىندە قالپىنا كەلتىرىلگەن مەديتسينالىق مەكەمەدە وتتەگى ستانتسياسى ورناتىلدى. سونىمەن قاتار ءموبيلدى كەشەن دە بار. جالپى, اۋرۋحانانىڭ مەديتسينالىق جابدىقتارى 87 پايىزعا جاڭارتىلدى. قاجەت بولسا, مەكەمە قوسىمشا 120 توسەك ورنالاستىرۋعا دايىن.
سونداي-اق وبلىس اكىمى سپورتتىق-ساۋىقتىرۋ كەشەنى قۇرىلىسىنىڭ بارىسىمەن تانىستى. مۇندا جۇرگىزىلگەن جۇمىس بىرقاتار سىن-پىكىرلەر تۋدىردى. سونىمەن, كورەرمەندەر الاڭىنا جاقىن ورنالاسقان ءورت تسيستەرنالارىن جىلجىتۋ ءۇشىن ساڭىلاۋلار مەن ويىقتار كورىنەتىن عيمارات قۇرىلىسىمەن مۇقيات جۇمىس ىستەۋ كەرەك. ويىن زالىنىڭ ەدەن جابىنى سىنعا الىندى.
"مۇندا ءسىز ويناۋ كەزىندە كوپتەگەن جاراقاتتار الاسىز, ويتكەنى بەتون ەدەندە امورتيزاتسيا جوق. قۇرىلىس ەرەجەلەرىنە سايكەس, قالقىمالى قاباتتار بولۋى كەرەك", – دەپ باسا ايتتى اماندىق باتالوۆ جاۋاپتى تۇلعالارعا تەز ارادا جوباعا وزگەرىستەر ەنگىزۋدى جانە مەردىگەرگە بارلىق ايتىلعان ەسكەرتۋلەردى ۋاقىتىندا ورىنداۋلى تاپسىردى.
حالىقتى قول جەتىمدى باسپانامەن قامتاماسىز ەتۋ ماسەلەسى دە ەرەكشە باقىلاۋدا تۇر. وبلىس اكىمى "نۇرلى جەر" مەملەكەتتىك باعدارلاماسى اياسىندا جالپى اۋدانى 60 مىڭ شارشى مەتر بولاتىن 620 ءۇي ورنالاسقان وبلىس ورتالىعىنداعى كوتتەدج قالاشىعىندا بولدى. بۇگىنگى كۇنى 157 كوتتەدج بەرىلدى. اپتا سوڭىنا دەيىن تاعى ءبىر ۇلكەن قونىس تويى بولادى. جالپى قۇرىلىسقا بىرنەشە ءىرى مەردىگەرلىك ۇيىمدار تارتىلدى. ولاردىڭ اراسىندا "قۇرىلىسشى-تبس" جشس, پمك-7ك, "تەحنوسناب 2002", "كاستروي لتد" بار.
اماندىق باتالوۆ مەردىگەرلەرگە قالانى اباتتاندىرۋ مەن كوگالداندىرۋعا باسا نازار اۋدارۋدى تاپسىردى. سونىمەن قاتار, كوشەدەگى قولدانىستاعى جارىق باعانالارىن تەزىرەك باس اللەياداعى جوعارى جانە زاماناۋي باعاندارعا اۋىستىرۋ قاجەت ەكەنىن ايتتى. سونداي-اق ءتيپتى قالادا مامانداندىرىلعان كوممۋنالدىق باسقارۋ كومپانياسىن نەمەسە ءتارتىپ پەن تازالىقتى باقىلايتىن توقساندىق كوميتەت قۇرۋ ماسەلەسىن پىسىقتاۋ كەرەكتىگى تاپسىرىلدى.
وبلىس باسشىسى ىنتىماق اۋىلىنداعى بولاشاق 1200 ورىندىق مەكتەپتىڭ ىرگەتاسى قالانىپ جاتقان قۇرىلىس الاڭىن ارالاپ كوردى. جۇمىسقا 35 مامان مەن 6 بىرلىك اۋىر تەحنيكا جۇمىلدىرىلعان. جوبا بويىنشا بۇل قاجەتتى نىساندى پايدالانۋعا بەرۋ كەلەسى جىلدىڭ قىركۇيەك ايىنا جوسپارلانعان.
ودان كەيىن اماندىق باتالوۆ وتەناي اۋىلىندا بولىپ, سوندا 1964 جىلى سالىنعان №21 ورتا مەكتەپ پەن شاعىن ورتالىعىنىڭ كۇردەلى جوندەۋدەن وتكىزۋ جۇمىستارىن تەكسەردى. جۇمىسپەن قامتۋدىڭ جول كارتاسى باعدارلاماسى اياسىندا جۇرگىزىلگەن كۇردەلى جوندەۋگە مەردىگەر "قۇرىلىس-تبس" كومپانياسى قاتىستى. بۇل كەزەڭدە 40 سىنىپ بولمەسى, ءىت-تەحنولوگيا كابينەتى, سپورت جانە اكت زال, اسحانا جانە مەديتسينالىق كابينەت جۇمىسى بىتكەن. جۇمىستىڭ 90 پايىزى اياقتالدى. مەكتەپ اۋماعى اباتتاندىرىلۋدا. قايتا قۇرۋعا بايلانىستى جاڭارتىلعان مەكتەپتە زاماناۋي STEM-زەرتحاناسى جۇمىس ىستەيدى. ونىڭ قۇرامىنا ينجەنەرلىك, باعدارلامالاۋ, روبوتوتەحنيكا جانە 3D- مودەلدەۋ باعىتتارى كىرەدى. كۇردەلى جوندەۋدەن كەيىن مەكتەپ وقۋشىلارىن وسى وقۋ جىلىنىڭ ەكىنشى توقسانىندا قابىلداۋعا دايىن بولادى.
وبلىس اكىمى جاۋاپتى تۇلعالارعا نىسانداردىڭ قۇرىلىسى مەن جوندەۋ بارىسىن ۇنەمى باقىلاۋدا ۇستاۋدى, جۇرگىزىلگەن جۇمىستار تۋرالى جۇيەلى تۇردە ەسەپ بەرۋدى, ولاردىڭ ساپاسى مەن بەلگىلەنگەن مەرزىمدەرگە سايكەستىگىن قاداعالاۋدى تاپسىردى.
