ء"بىز اقش, ۇلىبريتانيا مەن كانادا سياقتى مەملەكەتتەردە كەڭىنەن تاراعان شەريفتەر مودەلىن زەردەلەپ شىعۋدى جوسپارلاپ وتىرمىز. ول جاعىنان اقش ەلشىلىگى كومەكتەسۋگە دايىن", دەدى سايتبەكوۆ ونلاين بريفينگتە.
دەپارتامەنت باسشىسىنىڭ ايتۋىنشا, پوليتسيانى سەرۆيستىك مودەلگە اۋىستىرۋ ەقىۇ-نىڭ قولداۋىمەن قاراعاندى قالاسىندا سىناقتان ءوتىپ جاتىر. سوسىن وبلىستىق اكىمدىك اياسىندا ءدال سونداي جوبا قولعا الىنعان.
"بۇل پوليتسيانىڭ ءبارى ءدال قازىر كوشەگە شىعۋى ءتيىس دەگەن ءسوز ەمەس. قۇقىق قورعاۋشىلار پوليتسيانىڭ كومەگى قاجەت جەردە عانا ءجۇرۋ كەرەك. شارتتى تۇردە ءۇش ورىن بار. ءبىرىنشىسى – قاۋىپسىز ورىن, ول جەردە پوليتسيانىڭ قاجەتى جوق. ەكىنشىسى – ءىشىنارا قاۋىپسىز ورىن, ونداي جەرگە پوليتسيا بەلگىلى ءبىر ۋاقىتتا, مىسالى, ادام كوپ جينالعان كەزدە كەلەدى. ءۇشىنشىسى – قاۋىپتى ورىن, ول جەرلەردە قۇقىق قورعاۋشىلار ۇنەمى ءجۇرۋى كەرەك", دەپ ءتۇسىندىردى ايدار سايتبەكوۆ.
