بايقاۋ "جاستار مەن جاس ۇرپاققا پاتريوتتىق, رۋحاني-ادامگەرشىلىك جانە ازاماتتىق تاربيە بەرۋ جۇمىستارىن جەتىلدىرۋ" ۇرانىمەن ءوتتى.
بايقاۋ مۋزەيدىڭ تۇساۋكەسەرى, پورتفوليوسىمەن قامتاماسىز ەتۋ جانە ونلاين-ەكسكۋرسيالار جۇرگىزۋ, باسپا باسىلىمدارى ءۇشىن بەينەماتەريالدار قۇرۋ, ۇوس ارداگەرلەرى مەن تىل ەڭبەككەرلەرى تۋرالى سۇحبات جانە مۋزەي ماتەريالدارى, ەكسپوزيتسيالار مەن كورمەلەر نەگىزىندە ء"بىر ەكسپونات تاريحى" تسيكلىنان بەينەماتەريالدار, ونلاين-ەكسكۋرسيالار دايىنداۋ سىندى ءۇش كەزەڭنەن تۇردى.
"پوليتسيا دەپارتامەنتىنىڭ مۋزەيى - بۇل وتە اۋقىمدى, شىعارماشىلىق جۇمىستىڭ ناتيجەسى. ويتكەنى, مۋزەي وتە ماڭىزدى ميسسيانى - ءبىلىم بەرۋ ميسسياسىن ورىندايدى. بايقاۋدا كوپ ساتىلى ىرىكتەۋدەن وتكەن جەڭىمپازدار انىقتالدى. ءبىرىنشى ورىندى پەتروپاۆل مۋزەيى, ەكىنشى ورىندى الماتى قالاسى مەن اقمولا وبلىسىنىڭ مۋزەيى جانە ءۇشىنشى ورىندى ماڭعىستاۋ وبلىسى پد مۋزەيى يەلەندى", دەدى ماڭعىستاۋ پوليتسياسىنىڭ باستىعى ج.باقتىباەۆ.
سەرتيفيكات پەن ديپلومدى سالتاناتتى تۇردە تابىس ەتۋ پوليتسيا دەپارتامەنتىنىڭ مۋزەيىندە ءوتتى. قازاقستان رەسپۋبليكاسى ىشكى ىستەر ءمينيسترى ەرلان تۇرعىمباەۆتىڭ اتىنان دەپارتامەنت باسشىسىنىڭ ورىنباسارى ب.اقشاۋوۆ قۇتتىقتاپ, مۋزەي باسشىسى ا.الەكەشەۆانى ماراپاتتادى.
"جاقسى ۆەدومستۆولىق مۋزەي حالقىمىزدىڭ ۇلى ەرلىگىنىڭ دالەلدەمەلەرىن ساقتاپ قانا قويماي, قىزمەتكەرلەردى, ستۋدەنتتەر مەن مەكتەپ وقۋشىلارىن تاريحتى ءوز بەتىنشە وقۋعا يتەرمەلەيدى جانە ۇرپاقتار ساباقتاستىعىن قامتاماسىز ەتەدى. جاقسى مۋزەي سالۋ وڭاي شارۋا ەمەس. ءبىز بۇل ءۇشىن سىزگە شىن جۇرەكتەن ريزامىز", دەدى ماڭعىستاۋ وبلىسى دپ باسشىسىنىڭ ورىنباسارى ب.اقشاۋوۆ.
ماراپاتتاۋ راسىمىنەن كەيىن بارلىعىنا ء"بىر ەكسپونات تاريحى" تسيكلىنان بەينەماتەريالدار كورسەتىلىپ, مۋزەيگە ەكسكۋرسيا جاسالدى.
ماڭعىستاۋ پوليتسەيلەرى مۋزەيى ەكسپوزيتسيالار مەن كورمەلەر, قورلار, زەرتتەۋلەر, عىلىمي جانە ءبىلىم بەرۋ باعىتتارى بويىنشا جۇمىس جاسايدى, بىرنەشە جىل ىشىندە مۇندا بىرەگەي تاريحي ەكسپوناتتار, ادال دوستار, قامقور كومەكشىلەر باگاجى جيناقتالدى. مۋزەي ءوزىنىڭ كۇندەلىكتى قىزمەتىندە مادەني-اعارتۋشىلىق, ەكسكۋرسيالىق جانە كورمە جۇمىستارىن ۇيىمداستىرىپ, ءتۇرلى ءىس-شارالار مەن اشىق ەسىك كۇندەرىن وتكىزەدى.
ماڭعىستاۋ وبلىسى
