فاحرەتتين كودجا تەكيرداگتاعى كاپاكلى اۋدانىنداعى "كوچاك فارما" فارماتسەۆتيكالىق كاسىپورنىندا بولدى. بۇل كاسىپورىندا كوروناۆيرۋسقا قارسى ۆاكتسينا ازىرلەۋ بويىنشا زەرتتەۋلەر جۇرگىزىلىپ جاتىر. دەنساۋلىق ساقتاۋ ءمينيسترىنىڭ ايتۋىنشا, بۇگىندە تۇركيادا 13 ۆاكتسينا ازىرلەنۋدە. سونىڭ بىرىنە ادامدارعا سىناق جۇرگىزۋگە رۇقسات بەرىلدى.
"وزدەرىڭىز بىلەتىندەي, تۇركيادا ۆاكتسينا جاساۋ جۇمىستارى جالعاسۋدا. دەنساۋلىق ساقتاۋ مينيسترلىگى مەن ەردجيەس ۋنيۆەرسيتەتىنىڭ قولداۋىمەن جاسالعان ۆاكتسينالاردىڭ ءبىرى جانۋارلارعا سىنالىپ, ءساتتى ناتيجە بەردى. وسىلايشا, كلينيكاعا دەيىنگى سىناق كەزەڭى اياقتالدى. ەندى ءبىز بۇل ەكپەنى ادامدارعا ەگۋگە كوشەمىز", - دەدى ول.
