رەسەي چەمپيوناتىنىڭ 10-تۋر اياسىندا ەكاتەرينبۋرگتىڭ «ۋرال» كومانداسىمەن وتكەن ويىندا زاينۋتدينوۆ ءبىرىنشى مينۋتتان باستاپ الاڭعا شىعىپ, ەكىنشى تايمنىڭ 52-مينۋتىندا ءوزىنىڭ تسسكا قۇرامىنداعى العاشقى گولىن سوقتى. بۇل ۋاقىتتا «ارمياشىلار» ءبىر فۋتبولشى كەم بولىپ ويناپ جاتقان-دى. اراعا 4 مينۋت سالىپ تسسكا-نىڭ تاعى ءبىر فۋتبولشىسى كونستانتين ماراديشۆيلي «ۋرال» قاقپاسىن ءدال كوزدەپ, كومانداسىنا 2:0 ەسەبىمەن جەڭىس سىيلادى.
وسىلايشا, 22 جاستاعى زاينۋتدينوۆ «ارمياشىلار» جەيدەسىندەگى التىنشى ماتچىن وتكىزىپ, ءبىرىنشى مارتە تولىق 90 مينۋت ويناپ شىقتى جانە العاشقى گولىن سوقتى. 25 تامىزدا ماسكەۋدىڭ تسسكا كلۋبىنا اۋىسقان باقتيەر زاينۋتدينوۆ – تسسكا قۇرامىندا ويناپ جاتقان ءۇشىنشى فۋتبولشى. بۇعان دەيىن ماسكەۋ كومانداسىندا اسحات قادىرقۇلوۆ جانە ماكسيم نيزوۆتسەۆ سەكىلدى جەرلەستەرىمىز دوپ تەپكەن. وكىنىشكە قاراي ەكى فۋتبولشىمىز دا گول سوعىپ, مەرگەندىگىمەن كوزگە تۇسە الماعان.
