بۇعان دەيىن جوعارى سىنىپتاردىڭ وقۋشىلارى «Birgemiz: Bilim» جوباسىنىڭ اياسىندا اۋىل مەكتەپتەرىنىڭ وقۋشىلارىنا قوسىمشا ءبىلىم بەرۋگە كىرىسكەن بولاتىن. ونلاين ءبىلىم بەرۋ قاجەتتى پاندەر بويىنشا تەگىن وقىتىلادى ەكەن. قازىر بۇل ىسكە تالدىقورعانداعى زياتكەرلىك مەكتەپتىڭ 100 وقۋشىسى ەرىكتى رەتىندە جۇمىلعان. ولار 805 اۋىل بالاسىنا ءتۇرلى پاننەن ساباق بەرىپ ءجۇر. قاشىقتان وقۋ كەزىندە قوسىمشا ءبىلىم الۋ ءارى وعان تەگىن قول جەتكىزۋ ۇلكەن جەتىستىك پەن كومەك ەكەنى انىق.
– مەن زامانداستارىما اعىلشىن تىلىنەن قوسىمشا ءدارىس وقيمىن. اپتاسىنا 3 رەت 40 مينۋتتان ساباق وتەمىز. ءتىلدى وڭاي مەڭگەرۋدىڭ باعدارلاماسى ارقىلى وقۋ, جازۋ, سويلەۋدى ۇيرەتەمىن. ءوزىم قاتارلى بالالارعا بىلگەنىمدى ايتىپ, اڭگىمەلەسۋ وتە قىزىق, – دەيدى نازارباەۆ زياتكەرلىك مەكتەبنىڭ 10-سىنىپ وقۋشىسى الىشەر بەكمۇستافاەۆ.
سونداي-اق مەكتەپتە «ۇرپاقتار ساباقتاستىعى» جوباسى اياسىندا قايىرىمدىلىق شاراسىن ۇيىمداستىرۋ جولعا قويىلعان. وسى جولى قارتتار كۇنىنە وراي وقۋشىلار اتا-انالارىنىڭ قولداۋىمەن جالعىزىلىكتى زەينەتكەرلەرگە ازىق-ت ۇلىك سەبەتتەرىن تابىستادى. بالالار ءبىر كۇندە 65 قاريانىڭ ءۇيىن ارالادى. ولار قارتتارعا ازىق-ت ۇلىك سەبەتىنەن بولەك, «جۇرەگىمنىڭ ءبىر بولىگى» اتتى اكتسيا ارنادى. مۇندا وقۋشىلار ادامدارعا وزدەرى جاساعان قۇتتىقتاۋ حاتتارىن سىيلادى. اتا-اجەلەرمەن سۇحباتتاسۋ دا كەزدەسۋدىڭ ماڭىزدى بولىگىنە اينالدى. كەزدەسۋدە وقۋشىلار حالىقارالىق مەيرامنىڭ تاريحى مەن ونى ءار ۇيدە وتكىزۋ داستۇرلەرى تۋرالى جانە مەملەكەت تاراپىنان قاريالارعا كورسەتىلەتىن كومەك تۋرالى دا ايتىپ ءوتتى. سونىمەن قاتار بۇكىل الەمدەگى ادامداردىڭ ءومىر ءسۇرۋ ۇزاقتىعىنا قاتىستى قىزىقتى دەرەكتەرگە, گيننەستىڭ رەكوردتار كىتابىنا ەنگەن كوپتەگەن ەگدە جاستاعى ادامداردىڭ جەتىستىكتەرىنە توقتالدى.
– قارتتار بالا سياقتى سەزىمتال, اڭعال جانە قاراپايىم. ولار – ءبىزدىڭ قازىنامىز, تاريحىمىز. اعا ۇرپاقپەن كەزدەسۋ ارقىلى جاس بۋىن ولشەۋسىز ءتالىم-تاربيە الارى حاق. ادام بويىنداعى ەڭ جاقسى قاسيەتتەردى دامىتا وتىرىپ, ءبىز ءوزىمىزدى مەيىرىمدىلىك پەن جاناشىرلىققا ۇيرەتەمىز, – دەيدى ءوز ويىمەن بولىسكەن 12-سىنىپ وقۋشىسى داريا ستەپانوۆا.
الماتى وبلىسى
