ينفوگرافيكانى جاساعان امانگەلدى قياس, «ەQ»
گارنيزونداردى ارالاۋ بارىسىندا جەكە قۇرام الدىندا قارۋلى كۇشتەر باس شتابى باستىعىنىڭ ورىنباسارى – تاربيە جانە يدەولوگيالىق جۇمىس دەپارتامەنتىنىڭ باستىعى, ءبىرىنشى دارەجەلى كاپيتان سەرىك بۋرامباەۆ ءسوز سويلەدى. ول ستراتەگيالىق قۇجاتتىڭ نەگىزگى نورمالارى مەن ەرەجەلەرىن جەتكىزدى, مەملەكەت باسشىسىنىڭ جولداۋىندا الداعى رەفورمالار مەن جاڭا ەكونوميكالىق باعىتتىڭ بازالىق قاعيداتتارى تۋرالى ايتىپ بەردى.
جولداۋدى جان-جاقتى تۇسىندىرۋدەن باسقا, اسكەري قىزمەتشىلەردى اقشالاي ۇلەسپەن, تۇرعىن ءۇي تولەمدەرىمەن قامتاماسىز ەتۋ جانە باسقا دا ماسەلەلەر بويىنشا قولدانىستاعى زاڭناما نورمالارى تۋرالى زاڭ كەڭەستەرى بەرىلدى.
گارنيزونداردا ءتۇسىندىرۋ جۇمىستارىنىڭ ساپاسىن ارتتىرۋ ءۇشىن توپ وفيتسەرلەرى كەلۋشىلەردى قابىلدادى. سونىڭ ارقاسىندا كوپتەگەن اسكەري قىزمەتشىلەر وزدەرىن قىزىقتىرعان سۇراقتارعا جاۋاپ الدى. كوبىنەسە جەكەشەلەندىرۋ, قىزمەتتىك تۇرعىن ءۇيدى ايىرباستاۋ, يپوتەكالىق كرەديت بەرۋدى رەسىمدەۋ, مەديتسينالىق ساقتاندىرۋ, اقشالاي ريزىقتى جانە جاردەماقىلاردى تولەۋ تارتىبىنە قاتىستى سۇراقتار كەلىپ ءتۇستى.
اقپاراتتىق-ءتۇسىندىرۋ توبىنىڭ قۇرامىنا كىرگەن تاربيە جانە يدەولوگيالىق جۇمىس دەپارتامەنتىنىڭ وفيتسەرلەرى جەكە قۇرامنىڭ الەۋمەتتىك-تۇرمىستىق جاعدايلارىن زەرتتەدى, ۇجىمداردىڭ مورالدىق-پسيحولوگيالىق جاي-كۇيىن انىقتاۋ جانە الەۋمەتتىك كوڭىل كۇي دەڭگەيىن انىقتاۋ ءۇشىن وفيتسەرلەر مەن كەلىسىمشارت بويىنشا اسكەري قىزمەتشىلەر اراسىندا ساۋالداما جۇرگىزدى.
