ول اقسۋ اۋدانى ع.مۇراتباەۆ اتىنداعى ورتا مەكتەپتىڭ ماتەماتيكا ءپانىنىڭ مۇعالىمى اسىل قايمۇحانوۆ. سالتاناتتى شارادا اۆتوكولىكتىڭ كىلتىن وبلىس اكىمى اماندىق باتالوۆ تابىستادى.
مۇعالىمدەر كۇنىنە ارنالعان سالتاناتتى جيىندا قۇتتىقتاۋ ءسوز سويلەگەن اماندىق باتالوۆ ءبىلىم بەرۋ سالاسىن دامىتۋ جانە مۇعالىمدەرگە قولايلى جۇمىس جاعدايىن جاساۋ ماقساتىندا وبلىستا جۇرگىزىلىپ جاتقان جۇمىستارعا كەڭىنەن توقتالدى.
وبلىس اكىمىنىڭ ايتۋىنشا, سوڭعى 3 جىلدا مەملەكەتتىك قولداۋدىڭ ارقاسىندا وبلىستا 19 جاڭا مەكتەپ سالىنىپ, وقۋشىلارعا ارنالعان 2 جاتاقحانا پايدالانۋعا بەرىلدى. تاعى ەكى جاتاقحانا سالىنۋدا. جالپى, وبلىستا 2020 جىلعا ءبىلىم بەرۋدى دامىتۋعا 320,9 ميلليارد تەڭگە ءبولىندى. بۇل وتكەن جىلمەن سالىستىرعاندا 114 ميلليارد تەڭگەگە ارتىق.
قاشىقتان وقىتۋدى ۇيىمداستىرۋ ماسەلەلەرىنە ەرەكشە نازار اۋدارىلادى. وقۋشىلاردى كومپيۋتەرمەن, نوۋتبۋكپەن, روۋتەرمەن, پلانشەتپەن قامتاماسىز ەتۋگە 13 ميلليارد تەڭگە ءبولىندى. مەكتەپ ىشىنە دارەتحانا ورنالاستىرۋ ماسەلەسى دە شەشىلۋدە. ونىڭ 347-ءسى زامان تالابىنا ساي جوندەۋدەن ءوتتى. سونىمەن قاتار, ستۋدەنتتەردى تاسىمالداۋ ءۇشىن 71 جاڭا اۆتوبۋس ساتىپ الىندى.
بايانداماسىن قورىتىندىلاعان وبلىس اكىمى جەتىسۋ مۇعالىمدەرىنىڭ جاس ۇرپاق تاربيەسىنە قوسقان ۇلەسىن اتاپ ءوتتى. سونداي-اق ولارعا كەز-كەلگەن جاعدايدا كۇندەلىكتى جاۋاپتى جۇمىسى ءۇشىن شىن جۇرەكتەن ريزاشىلىعىن ءبىلدىردى.
– قۇرمەتتى, ۇستازدار! شاكىرتتەرىڭىزدىڭ تاعدىرى جانە جاس ۇرپاقتىڭ بولاشاعى سىزدەردىڭ كاسىبي جانە ادامي قاسيەتتەرىڭىزگە بايلانىستى. ۇستاز – ء بىلىم بەرۋ جۇيەسىنىڭ باستى بايلىعى, ونىڭ التىن ينتەللەكتۋالدىق قورى. سىزدەردىڭ جۇمىستارىڭىزعا, بالالارعا دەگەن سۇيىسپەنشىلىكتەرىڭىزگە, تاڭداعان ۇلى قىزمەتكە دەگەن ادالدىقتارىڭىزعا, جاس ۇرپاقتى تاربيەلەۋگە سىڭىرگەن قاجىرلى ەڭبەكتەرىڭىزگە شىن جۇرەكتەن العىسىمدى بىلدىرەمىن. ىندەتپەن كۇرەس ءجۇرىپ جاتقان كەزدە الدىڭعى قاتاردا جانە قيىن كەزەڭدە وزدەرىڭىزدىڭ كاسىبي مىندەتتەرىڭىزدى, بارلىق ءبىلىم مەن بىلىكتىلىلىكتەرىڭىزدى مول تاجىريبەلەرىڭىزبەن بايلانىستىرا وتىرىپ, جاس ۇرپاققا ءبىلىم بەرۋ ءىسىن تولىق جاۋاپكەرشىلىكپەن اتقارىپ شىقتىڭىزدار. جاس ماماندارعا ماماندىققا شىنايى قىزمەت ەتۋدىڭ ايقىن ۇلگىسى بولعان ءبىلىم بەرۋ سالاسىنىڭ ارداگەرلەرىنە ەرەكشە العىس ايتامىز. اتاقتى ويشىل تسيتسەرون ايتقانداي "جاس ۇرپاقتى وقىتۋدان اسقان اسىل دا, باعالى كاسىپ جوق". ءبىلىم بەرگەن وقۋشىلارىڭىزدىڭ ەڭبەگى مەن جەتىستىگى ءسىزدىڭ كۇندەلىكتى جۇمىسىڭىز ءۇشىن لايىقتى باعا جەتپەس سىي دەپ بىلەمىز. بارشاڭىزعا مىقتى دەنساۋلىق, باقىت, قۋانىش تىلەيمىن! مەرەكەلەرىڭىزبەن ۇلاعاتتى ۇستازدار, – دەپ قورىتىندىلاعان ا. باتالوۆ مەرەكەلىك ماراپاتتاۋ ءراسىمىن باستادى.
"جىل مۇعالىمى – 2020" بايقاۋىنىڭ رەسپۋبليكالىق كەزەڭىنىڭ جەڭىمپازدارى اتانعان وبلىس مۇعالىمدەرى ماراپاتتالدى. ولار كوكسۋ اۋدانىنىڭ م. قۇرمانوۆ اتىنداعى №2 ورتا مەكتەبىنىڭ باستاۋىش سىنىپ مۇعالىمى ليۋدميلا گەرمان, №28 ءىت مەكتەپ-ليتسەيىنىڭ قازاق ءتىلى مەن ادەبيەتى ءپانىنىڭ مۇعالىمى ينديرا بايعوجينا, دارىندى بالالارعا ارنالعان ءۇش تىلدە وقىتاتىن م. ارىن اتىنداعى №24 ەكونوميكا جانە بيزنەس ارناۋلى ليتسەيىنىڭ ماتەماتيكا ءپانى مۇعالىمى مۇرات بۋلانوۆ جانە الماتى وبلىسىنىڭ قىزمەت كورسەتۋ سالاسىنداعى يننوۆاتسيالىق تەحنولوگيالار كوللەدجىنىڭ ارنايى ءپان وقىتۋشىسى اينۇر قابدۋللينا. ءار جەڭىمپازعا 2 ميلليون 778 مىڭ تەڭگەنىڭ سەرتيفيكاتى تابىستالدى.
"جىل مۇعالىمى" وبلىستىق بايقاۋىنىڭ جەڭىمپازدارىنا 850 مىڭ تەڭگەنىڭ سەرتيفيكاتى تابىستالدى. ولاردىڭ قاتارىندا تەكەلى كاسىپتىك كوللەدجىنىڭ وقىتۋشىسى اننا پادالكينا, تالدىقورعان قالاسىنداعى №20 دارىندى بالالارعا ارنالعان ليتسەيدىڭ مۇعالىمى ءاليا ءامىروۆا جانە الماتى ەكونوميكالىق كوللەدجىنىڭ وقىتۋشىسى گۇلسايا جەتكىزگەنقىزى بار.
"وبلىستىڭ ۇزدىك سىنىپ جەتەكشىسى" الاكول اۋدانىنىڭ ءۇشارال قالاسىنداعى №1 ورتا مەكتەبىنىڭ مۇعالىمى ايگۇل احمەتوۆا اتاندى. "ۇزدىك كاسىپتىك ءبىلىم بەرۋ ۇيىمى" نوميناتسياسى بويىنشا جامبىل اتىنداعى ۇزىناعاش كاسىپتىك كوللەدجىنىڭ كومانداسى جەڭىسكە جەتسە, قاراساي اۋدانى المالىباق اۋىلىنىڭ ورتا مەكتەپ-گيمنازياسى "ۇزدىك اۋىل مەكتەبى" دەپ تانىلدى.
سالتاناتتى شارادا جەتىسۋداعى بىرقاتار مۇعالىم قۇرمەت گراموتالارىمەن, وبلىس اكىمىنىڭ العىس حاتىمەن, "ى.التىنسارين" مەدالدارىمەن جانە ء"بىلىم بەرۋ ءىسىنىڭ قۇرمەتتى قىزمەتكەرى" توسبەلگىلەرىمەن ماراپاتتالدى. وبلىستىڭ پەداگوگيكالىق قوعامداستىعى اتىنان ءبىلىم بەرۋ سالاسىنىڭ ارداگەرى كۇلاي ءتۇسىپوۆا قۇتتىقتاۋ ءسوز سويلەدى. ول مەملەكەت مۇعالىمدەرگە بارلىق قاجەتتى جاعدايدى جاساپ وتىرعانىن, سوندىقتان قازىرگى كەڭ مۇمكىندىكتەردى ءتيىمدى پايدالانا وتىرىپ, ءبىلىم مەن جاس ۇرپاقتىڭ تاربيەسىنىڭ ساپاسىن كوتەرۋدە تولىق جاۋاپكەرشىلىكپەن جۇمىس ىستەۋ وتە ماڭىزدى ەكەنىن اتاپ ءوتتى.
