كەزدەسۋگە باتىس قازاقستان وبلىسى اكىمىنىڭ ورىنباسارى سەرىك ەگىزباەۆ, باتىس قازاقستان وبلىستىق مادەنيەت باسقارماسىنىڭ باسشىسى سايران دۇيسەنوۆ, "قازاقستان سالالىق مادەنيەت, سپورت, تۋريزم جانە اقپارات قىزمەتكەرلەرى كاسىپتىك وداعى" قوعامدىق بىرلەستىگى وبلىستىق فيليالىنىڭ توراعاسى ايدار باتىرحانوۆ جانە ولكەگە بەلگىلى 30-عا جۋىق اقىن-جازۋشى قاتىستى.
باۋىرجان حاليوللا ءوز سوزىندە فيليالدى بۇعان دەيىن باسقارعان اقىن, مەملەكەتتىك سىيلىقتىڭ يەگەرى, اق جايىقتىڭ اق شاعالاسى اتانعان اقۇشتاپ باقتىگەرەەۆامەن اقىلداسىپ, اق باتاسىن العانىن جەتكىزدى. ودان كەيىن جەرگىلىكتى قالامگەرلەر ۇيىمىنىڭ الدىندا تۇرعان جوسپار-جوبامەن ءبولىستى. فيليال توراعاسىنىڭ ايتۋىنشا, قازاقستان جازۋشىلار وداعىنا مۇشە جەرگىلىكتى قالامگەرلەرگە "اقجايىق" شيپاجايىنا جولداما بەرىلىپ, تاۋەلسىزدىك كۇنى قارساڭىندا فيليالدىڭ ارنايى ستيپەندياسى تاپسىرىلماق ەكەن.
"بۇگىنگى تاڭدا ءبىزدىڭ قالامگەرلەردىڭ الدىندا تۇرعان ەڭ وزەكتى ماسەلە – كىتاپ شىعارۋ. شىعارماشىلىق ادامى كوبىنەسە بۇل ىسكە يكەمسىزدەۋ كەلەدى, جازۋىن جازعانمەن, كىتابىن شىعارا الماي, وتكىزە الماي سەندەلىپ جۇرەدى. وسى ماسەلەنى قولعا الۋ ءۇشىن وداقتىڭ فيليالى جانىنان باسپا ءىسىن جولعا قويۋدى ويلاستىرىپ جاتىرمىز. ودان كەيىن اق جايىق قالامگەرلەرىنىڭ شىعارماشىلىعىن ناسيحاتتايتىن, ءۇش ايدا ءبىر مارتە شىعاتىن ادەبي الماناح شىعارۋ جوسپاردا بار. وبلىستىق, قالالىق باسىلىمداردا ارنايى ايدار, الەۋمەتتىك جەلىلەردە پاراقشا اشىپ, بارىنشا بەلسەندى جۇمىس ىستەيمىز", دەدى باۋىرجان ەرگەن ۇلى.
ءبىر ەرەكشە جاڭالىق – قازاق راديوسىنىڭ ەفيرىندە "اق جايىق قالامگەرلەرىنىڭ ساعاتى" اتتى ايدار اشىلاتىن بولىپتى. وندا باتىسقازاقستاندىق اقىن-جازۋشىلارىمەن سۇحباتتار ۇيىمداستىرىلىپ, شىعارمالارى بەرىلمەك. راديو باسشىسى باقىت جاعىپار ۇلىمەن بۇل جونىندە الدىن الا كەلىسىمدەر جاسالعان. سونداي-اق جەرگىلىكتى قالامگەرلەرگە "جۇلدىز" جۋرنالى مەن "قازاق ادەبيەتى" گازەتىن جانە جەرگىلىكتى باسىلىمداردى جازدىرىپ بەرۋدى دە فيليال ءوز موينىنا الىپ وتىر.
"ىندەت جاعدايى تۇراقتالعان سوڭ اقىن-جازۋشىلاردىڭ شىعارماشىلىق كەشىن ءوزىنىڭ تۋعان جەرىندە وتكىزۋدى قولعا العىمىز كەلەدى. ويتكەنى, شىعارماشىلىق كەشتەر, مادەني شارالار كوبىنە قالادا وتەدى دە, اۋىلدى ۇمىتىپ كەتىپ جاتامىز سونداي-اق وزگە ايماقتا جۇرگەن جەرلەس قالامگەرلەرمەن دە تىعىز بايلانىس ورناتۋ قاجەت-اق. مىسالى, باتىربولات ايتبولات ۇلى, ايباتىر سەيتاق, اسىلان تىلەگەن, شەرحان تالاپ, مەڭدوللا-جادىرا شامۇراتوۆتار جانە باسقالار سەكىلدى تاماشا قالامگەرلەردى قولداپ, تۋعان ولكەسىنە شاقىرىپ, حالىقپەن جۇزدەسۋ ۇيىمداستىرعان ءجون دەپ ويلايمىن. باسقا ايماقتا وتەتىن ادەبي-مادەني شارالارعا ورالدىق قالامگەرلەردى دە كەزەگىمەن جىبەرىپ, تاجىريبە الماسىپ, بارىس-كەلىس قاتىناس جاساپ وتىرۋدىڭ پايداسى زور", دەدى فيليالدىڭ جاڭا باسشىسى.
وسى جيىندا باتىسقازاقستاندىق قالامگەرلەردىڭ بۇگىنگى اقساقالى, بيىل 80 جاسقا كەلگەن اقىن ايتقالي نارىكوۆكە قۇرمەت كورسەتىلدى. اقىندى فيليال اتىنان مەرەيتويىمەن قۇتتىقتاپ, يىعىنا شاپان جاپقان باۋىرجان ەرگەن ۇلى قالامگەرگە قۇتتىقتاۋ حات پەن سىي-سياپات تابىستادى. سونداي-اق قالامگەردىڭ 80 جىلدىعىنا ارنالعان "اقجايىقتىڭ ايتقاليى" اتتى وبلىستىق جىر ءمۇشايراسى وتەتىنىن حابارلادى.
تاعى ءبىر ۇسىنىس – قالالىق ساياباق ىشىندە اقىندار اللەياسىن جاساپ, وعان وسى وڭىردە تۋىپ-وسكەن قالامگەرلەردىڭ اتى-ءجونى جازىلعان بەلگىتاستار ورناتىلماق. سول جەردە اشىق اسپان استىندا پوەزيا كەشتەرىن, ادەبي جيىنداردى ۇيىمداستىرۋ ماسەلەسى دە ۇيىمداستىرىلماق.
ء"بىزدىڭ بۇل ۇسىنىستارىمىزدىڭ دەنىن جەرگىلىكتى باسشىلار قولداپ وتىر. ورال قالاسىنداعى اقىن قاسىم امانجولوۆ تۇرعان ءۇيدى جىل سوڭىنا دەيىن ءبىزدىڭ قولىمىزعا بەرەمىز دەگەن ۋادەسى بار. بۇيىرسا ول جەر دە باتىسقازاقستاندىق قالامگەرلەردىڭ باسى ءجيى قوسىلاتىن رۋحاني ورتالىق بولادى دەپ ويلايمىز", دەدى باۋىرجان حاليوللا.
وسى جيىنعا قاتىسقان باتىس قازاقستان وبلىسى اكىمىنىڭ ورىنباسارى سەرىك ەگىزباەۆ فيليال جۇمىسىنا ساتتىلىك تىلەپ, قالامگەر قاۋىمنىڭ وڭ باستامالارىنا اكىمدىك تاراپىنان ارقاشان قولداۋ بولاتىنىن ايتتى. باتىس قازاقستان وبلىستىق مادەنيەت باسقارماسىنىڭ باسشىسى سايران دۇيسەنوۆ ءوز سوزىندە جەرگىلىكتى شىعارماشىلىق وداقتارمەن بارىنشا تىعىز قارىم-قاتىناستا جۇمىس ىستەۋگە مۇددەلى ەكەنىن ءبىلدىردى. ءوز كەزەگىندە جيىنعا قاتىسقان الپامىس بەكتۇرعانوۆ, تيحون الىپقالي, زاكاريا سيسەنعالي, ساعىنتاي بيسەنعاليەۆ, باۋىرجان عۇبايدۋللين, تىلەس جازىقباي جانە باسقالارى فيليال جۇمىسىن دامىتۋ, قالامگەرلەردىڭ شىعارماشىلىق, الەۋمەتتىك ماسەلەلەرىن شەشۋ جايلى وي-پىكىرىمەن ءبولىستى.
